-
على ذكرى طيوفك ..
كم تهاوت شمس في عيني ،،
وطاح الظّلّ قدّامي ..
على نوح الرصيف وحشرجة دربي ..
وأوراق الوعود الحُمر ..
بعثرها الغياب ..
يكوّم أتربة حزني ..
يجمّعها بجنب السور ..
ويستانس بشوفة خاطري مكسور ..
يمدّ ايده يكنّس فرحة الماضي ..
ونبضٍ جاع ..
إلى سلّة ألم واوجاع
وانا استمطر تجاعيد الأمل واشكي ..
أحادي خطوة الغيمه ..
ألاقيها تقيس البُعد ما بيني وبينك ..
بماطر من دموع الكون باكينك ..
على نغمة صدى .. وينك ؟!!
أبيها تعود آمالي ..
أبي أحكي ..
ولكنّي لزمت الصّمت عن ثورة مواجيعي ..
بعَدما شفت الأمل عالق بغصن اليأس ..
وعقرب ساعتي المجنون ..
يتأملّ وجوه النّاس ..
ويتسكّع بدربك ينتظر طلّتْك ..
الين الصبح ما جيتي ولا بنتي ..
رغم شمّي عطورك في شعاع الفجر
رجعت ابكي لشبّاكك ..
لقيته مسدل اهدابه ..
عرفت انّ اللّقا أصبح مُحال ،،
ونفترق ..؟!
أيضاً .. مُحال ~
ولا يهمك يا محمد بن مهدي دام هذا يسعدك لكل يوم امر واحذف لك بذا الصفحه ابيات تسر خاطرك هاه وش باقي تبي
-
اسعــد الله كل وقتـك مندريـن وكـل وقتــي
ان حذفتي خوفي انك تفلقين الراس فلقـه
السعاده ماتجـي ببيـات شعــرك لا حذفتـي
السعـاده أن لـي خاطـر بذاتـك بـان برقــه
مـدي ابيمانك بيتك ساعة البسطــه ورقتــي
جـودي ابكلمه لطيفه تجلي اهمـوم المشقـه
لك جزيل الشكر مني يسعدك ربي لاهنتـي
الخــواطــر طيبــه منــا ومنكـــم بـــان رقـــه
-
تسلم كلك ذوق يا محمد بن مهدي فديتك ايه وربي وهذي ابيات على شانك
عزالله أنك جرحت القلب بعيونـك
.................... وياكثر من نظرت عيونك مصاويبك
من كان شاف العيون يصير مجنونـك
.................. الله يعينه على عيونك وتعذيبــك
حرام تجرح عباد الله على هونـك
................. وتروح منهم سليم ومحدً يصيبــك
وتعال أبي منك تعطيني تلفونـك
................. وأجزاك بالخير دايم وأشهر بطيبـك
أرتاح لا قلت كيف الحال وشلونـك
................ لو هي من ألسان ماجتني من إقليبـك
وأفتح على الكامره وصور عيونـك
............... وأرسل على شاشة الجوال لصِحيبـك
ويا طولها من مسافه دوني ودونـك
............... وتهون كل المسافه عند تقريبـك
-
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دمعة المؤمن عباده طهرها طهر المطر=والقلوب المؤمنه ترفع يديها للسحاب
تستغيث الرب رحمه قبل منزال القبر=قبل ناقف بين ادين الحق في يوم الحساب
يوم تحرج كل نفس مالها والله عذر=كيف يعذر من عليهم انزلت ام الكتاب
ليت قومي يعلمون ان الكرامه تحتضر=والذمم صارت تباع وتشترى برخص التراب
انتشر زيف التعامل بين حضرات البشر=والنفاق اصبح قلاده ثقلها يحني الرقاب[/poem]
بندريات ،،
-
منــدرين القـول منـك هـز قلبـي فـي محلــه
ارتعد قلـبي ورفـرف والسبـب قـوة كلامــك
من لقلبي لو نـزف وتجيــه علـه بعـد عـلـه
يكفي اني بالعيون اقرا في الصفحه سلامك
-
يامحمد قلبي من هوى المزيون مشقيني
..........ليل ونهار دمعي على الخد همالي
اطرب النفس بالشعر عله يسليني
..........لقيت شعري عليه يجر موالي
موال حزن(ن) يامحمد يقذيني
..........كل مانويت انساه متربع وسط بالي
ماظنتني يامحمد انسى نظر عيني
..........الصاحب اللي بنيت لجله كل الامالي
راح وقفى ونسى مابينه وبيني
..........الله يستر عليه وين مالاج الغالي
والله يصبر قلبي وعن الناس يغنيني
..........حيث ان حبه وسط القلب زايد(ن) عالي
لك الله مني يا محمد بن مهدي تستاهلها
-
قصتك قصه طويله شافها قاصي وداني
باكيـه خلك كثيــروبــان قلبــك ما نســاه
فزعتي لك مندرين ابيـات تتغنــا اغانـي
تطربك لجل التسلي لـن قلبــك في هـواه
اسمعي مني كلامي خـل قدامــك رمانـي
يابنيـه قـلت قـولي قلبـي الغالــي خـــذاه
كم اهيم بكل فكري كم اكابد كـم اعانــي
الخليـل اللـي احبـه قلبـي ابحبــه رمــاه
الحقبقه سرت حاير في خفايا هالزمانـي
لاتجـي لحظـه وخلي بالغظــا قلبـي كـواه
-
العيون اللي على شانك بكت
ما عليها لوم لو صاحت صياح
يوم حبك مبتليها ما شكت
راضيه بعدك و هجرك و الجراح
قالو إن الحب جرح و صدقت
تحسبن الجرح في حبك مباح
ما درت بك لين غصت و شرقت
يوم تسقيها من الصافي ملاح
و آحسافه دمعها يوم إذرفت
يوم من شانك على الخدين ساح
و آحسافه طيبها يوم فعلت
و آحسافه عطرها لك يوم فاح
و آحسافه يوم باعت و إشترت
و إخسرتك بغالي قفا و راح
تذكر الماضي حشاء له ما نست
كان تنسى اللي مضى مالك صلاح
إعتبرتك نار شبت و همدت
و الرماد اللي بقى شاله رياح
-
تسجيل الحضور
[align=center][bor=ff0000]سلام للمنتدى واللي يرودونه = وأخص بالذات من يقرأ مواضيعي
بالطيب والمسك والريحان مقرونه= من حبكة انشائ والتوقيع توقيعي[/bor][/align]
-
مسافة بينك وبيني
وصوتك
أقرب لقلبي
أتـخيل صورتك بروحي ولا أدري كيف أوصلك
{ أحبك }
رغــم أســـبـــابــي
وأشد لعينك الترحال
أبـي : لمسة من إدينك
وأبي : جو الهوى الحساس
وأبي : أنسى زمان الناس
وأصـــحـــى وعـــيـــنـــك
بــــعــــيـــــــنـــــــــــ ـــــي
-
كـل وقتي معـك خلي في نهـاري والليـالي
لك جميع الوقـت ساعـاته جُزيّـآت الثواني
ياوليف الروح انته مكتسـح باحـت خيـالي
احتويتك في فؤادي وانت مجهول احتواني
لو دريت اني احبك وانـت غـالي ثـم غـالي
كـان تكتـب لي احبـك ثـم اقـول انـه رواني
بوح خلي بالكتابه واعترف لي وانت عالي
قول احبك ايه احبـك واعتبـرني لك مـواني
-
يفز دمعي واقهره داخل العين = اخاف عذالي يقولوا هزيمه
لا والذي والف قلوب المحبين = ما حدرت عبرات جفني ظليمه
( نواف بن فيصل )
انا ما عيش معك الحب .. اعيش الحب كله فيك = انا وان كنت عنك بعيد لكن معك واحيابك
تعيش بكل احاسيسي وتفكيري واعيش اغليك = تحسد الحب لو تسمع حديث الروح بغيابك
( منادي )
يا صاحبي هانت عليك المحبه = لا واحسايف عقب هاك المواثيق
جمر الغضا في وسط قلبي تشبه = نار حطبها يابسات المعاليق
( دايم السيف )
عيد الله عليك يعود بالمستكا والعود = اهنيك جعل الله بشوفك يهنيني
عيدية ضمير حط فيه الفراق لهود = اجامل على الانظار والهم طاويني
( سعد بن جدلان )
تصنعت الهوى العذري صناعه = وصدقتك على ذمه ظنوني
وغرتني بك رسوم الوداعه = وسحرٍ في بيانك والعيوني
( محمد بن احمد السويدي )
بين عيني ودربك .. خطوتين وسؤال ؟= وونة .. ما قواها ليلي السرمدي
داعي الشوق يمك من دعاني تعال = والرجا في يميني ترتعش به يدي
( فهد الناصر )
اهيم بك من بدة الناس واهواك = وارضى بوصلك لو دقيقه تجيني
كل المشاعر صغتها اليوم لرضاك = بس التفت يمي وبدد انيني
( هالة الشمس )
الغبي من كابر انسانٍ غبي = وانت اغبى شخص كابر وامتلك
الغبا علمني انك لولبي = والغبا فيني عجزت ان اهملك
( ناصر العنزي )
حبيبي .... لا ذكرت انه حبيبي = دريت اني حظيظ وزان بالي
( خالد الفيصل )
حياتها .... لهوٍ ولعبٍ وتصفيق = وناسٍ تقوم ... وناسٍ تقعد بيدها <<
( عبدالله القحطاني )
يسري ... غرامك بالدما .. في الشرايين = مسرى المرض ... في جسم من حس عله
( سعود بن بندر )
حبك محى عن ... خاطري حب غيره = ملكتني ... ملك العبيد المماليك
( عبدالله الفيصل )
ما غير اهوجس .. تقول مضيع حاجه = اخذ واسند على روحي واهرجها
وادوج لو كان ما رجلي بدواجه = ادله النفس لين الله يفرجها
( عبدالله بن عون )
الشمس لو تطلع على شان مخلوق = لاقول بان الشمس .... تطلع عشانك
( ناصر العجمي )
ترى حلاة الغلا....... وان طالت المده = ما هوب يوم صديق .... ويوم قوماني
( بن شريم )
نظمت عمري ... عقد .. لا تقولي كيف = ايام عمري ..... مالها طعم دونك
( تنهات نجد )
الحنظله ... لوهي على شاطي النيل = زادت مرارتها القديمه مراره
( لويحان )
في حجر عينه ... لي غدير وسحابه = وفي وسط قلبي له .. تناهيت واعتاب
ان قلت احبه .. قلت يا قلب مابه = وان قلت انا ما بيه .. بصير كذاب
( بندر بن عبد المحسن )
مفرق شعرها ... مثل حد الحسامي = متخالطٍ .. لون العباة وشعرها
( عبدالله بن خالد )
الشمس من خدك ... خذت نور الاشراق = حتى القمر .. طاله نصيبه وهو فوق
توي دريت ان احمر الورد .... سراق = يسرق حماره من شفايفك برفوق
( عبدالله السياري )
يا مرسل الورد .. للولهان = الطف من الورد مكتوبك
نشعتنيي به وانا .. وجعان = ملكت باللطف محسوبك
( عبدالله الفيصل )
هبي بريحه .... يا هبوب .... الشمالي = كود الجنوب ... ومطلع الشمس ... تنصاه
( بن شريم )
من لقيتك .. زاد حبي للحياه = وقبل اشوفك .. فاقد ٍ شي كثير
( سعود بن بندر )
كل ما دقيت في ارض وتد = من رداة الحظ وافتني حصاه
( بن لعبون )
ولو ممشاي في جمر يفيده = مشيت ابجمرها كنه عوافي
-
يـاحبيبــي تـدري أني جـد احبــك
اعشقك عشق الطفل لمه وابيه
انت في قلبـي بشـريانـي مشبـك
اذكــرانـي انتظــــر كلمـت ابيــه
-
ودي انك تعرف اني بانتظـارك
كـل وقتي بالدقايــق والثــواني
كل لحظه لك خيالي جا وزارك
انـت كل الحـب بل كل الامــاني
-
اهديك قلبي وانت تستاهل اهديك
مافيــه اغلى منـــه واقدمـــه لك
-
أحبــــك>>
انا لاقلت لي شلونك وانا ضايق أقول بخير
مدامك سائل عني أكيد إن ضيقتي راحت
أنا من كثر ماأحبك أشوفك في عيوني غير
تضيق النفس من غيرك ولامن شفتك ارتاحت
أحبك.. كثر ماتطري فـ بالي وتشغل التفكير
كثر.. ماشيلك بعيني وناس منها طاحت
أحبك.. كثر ما أدمح خطاك إن خانك التعبير
كثر.. ماخانت الرفقه بكتم أسرارها وباحت
أحبك.. كثر صقار تولع في محبة طير
كثر.. ما دلت الطيب بريحها فاحت
أحبك .. كثر ماحس بشعور اني عليك أغير
كثر ماازيح هالغيره عن افكاري ولا انزاحت
أحبك ..كثر مالك داخلي حب وغلا وتقدير
كثر ماغبت عن عيني ودموع مفارقك ساحت
تصدق!! من عرفتك صرت أحبك..واكره التغير
وانا اللي كنت اعشق كل نجمة بالسما لاحت
تأكد كل ماتسأل عن أحوالي اكون بخير
مدامك سائل عني أكيد ان ضيقتي راحت
-
دخيلك رح لمحبيـوبي وخبرني يأجمـل طيـــر
ابي اعرف عديل الروح افكاره لمن راحــت
اذا فكره معي قلي احـث العـدو فبـل السيـــر
اجيه الليل قبـل النـوم لامـن البشـر طاحـــت
واذا انه بعيد القـــلب جعلــه دايــمً فـي خيـــر
اذا عيونه على غيري ونفسه بالبكــا ناحــت
اكيد اني ابتغيـر واسيـر انســان غيـر وغيــر
ابمسـح حبي الصادق مدام الوجه به شاحت
-
عاشق هالرمل .. من خلقني الله .. لين أموت
عاشق جرد الروابي .. والفيافي .. والخبوت
عاشق طين البيوت .. وفلة خيوط الوبر
عاشق مافي البشوت من عطر .. طيب .. وفخر
وانا من هالارض
.............................. .................... ............
الخوف ظلما .. والقلوب أطفال
والشك سيف .. يقطع الامال
والهوى ملح الليالي .. واجمل الاقدار ..
عنه لاتبعد حبيبي .. وفيه لاتختار
.............................. .................... .................
مشيت دروبنا .. خطاوي قلوبنا
ومريت الوعد .. وعدنا العام ..
ماكان الوعد .. ولا الايام .. هي الايام
.............................. .................... ...................
ومدري ليه ها الشارع ... نسوه الناس
ومتى هاالموعد الخالي ... يجوه الناس
حبيبي ليه من غيابك ... يغيبوا الناس
سنه مرت .. وانا أول حبيب .. يوقد الشمعه
لجرحه في يوم ميلاده .. هلا بالحب وأعياده
وكل عام .... وجرحي بخير
.............................. .................... .....................
في الضحى .... شدوا الركاب
وابحرو... يم السراب
كانت عيونه حبيبي .... شمس .... وعيوني سحاب
آآآآآه ... ياسهيل اليماني شدو البدو بأماني
ليتهم ردو الركايب وربعوا بين المحاني
.............................. .................... ....................
ابكي وحيد ... واضحك وحيد
وانتي اللي في الدنيا معي ...
وأنتي البعيد ....
يانجومها ... والله بعيده نجومها
ياهمومها ... وش كثر احب همومها
وحبيبتي بس يكفي احس
أن الهوى .... ماهو كلام
وان الامل ... ماهو كلام
.............................. .................... .......................
أوقات ....... ياخذنا الحكي
وننسى في الحكي أوقات
وأوقات .... ياليت الكلام .... سكات
يجرحنا الحكي
.............................. .................... .......................
أنا المعتزل الذي لايزال يكتب وينشر ...
فكرت أن ابرر أستمراري ... وعدم أستمراري ...
الا أنني وجدت أن القضيه شخصيه أكثر من أنها عامه ..
سأكتفي بأن أقول : (( هونت )) ..
وأحسم الجدل بيني وبين نفسي والآخرين
.............................. .................... .....................
وأنا الطليق وكل شئ قضبني ...
لا زلت أتمرد .... وأتمرد
وفي هذه اللحظه وأنا أقرب ماأكون من الناس
وأبعد ماأكون ...
لايزال أمامي القليل من الألم الذي سأسببه لنفسي ولمن أحب ...
سأعود بعد ذلك كسيف نجدي
معطر بالدم والاخلاص والفخار...
.............................. .................... .............................
لست نادما على فراق ....
بقدر ندمي على لقاء
كان من الممكن أن لا أفارق لولاه
.............................. .................... .............................. ...
تمنيته وتد ... يغرس ....
في كل الموج لا يرتد ...
وحبل يشد ...
على يدين البحر.... يربط ...
في صخر الخد ....
كرهت البحر ....
وأحاسيس الجزر ... والمد
.............................. .................... .............................. .............
تحيـــــــــــــاتي
-
مَدخلَ.."
تدري من أطهر من وطى بالأرض من بعد الرسول ؟
الصحابة ثم ابوي وأمي وانا وكل القصيد
من عشقتك .. قمت أردد هالحروف
" ماني مرتاح بغيابك "
وش تبي أكثر .. وانا منك اهاب
ياهـ يا كبري بعيني .. وأنا في قلبك أهيم
يادفاك .. إن قلت وينك ..
لاتخليني .. " أمـوت "
. .
من لقيتك وانا أتمتم في الكلام
" ماني مرتاح بغيابك "
كنت أشوفك في طريقي .. وإنت تحضّني بإيديك
تكفى .. " طمني عليك "
ماتركتك .. كنت راحل للسلام ..
ماتركتك .. هذي لحظات التمام ..
تكفى " طمني عليك "
إنت حاول تقترب قد ماتبي .. وإعرف اني بالسما .. مثل " الجدي "
وسهيل يآخذني وأجي
وإعرف اني بكل يوم ..
.. ميت وميت عليك..
" تكفى طمني عليك "
واجيلك ماشي بدرب الطريق اللي عرف ممشاي ..
وأجيك اشتاق ياروحي ..
وأحس اني وانا اتنفس هواك الممتلي " أفراح "
انا أرتاح .. انا ارتاح
انا أرتاح .. انا ارتاح
انا أرتاح .. انا ارتاح
وأزفر من نِفس قلبي مطر وغيوم
وأطرد من سراب الاّل .. كثير هموم
وبأتبعك ..
والله العظيم " ابـفقدك "
بس الزمن بيبعدك
والناس عني تمنعك
لكن انا بأبقى معك .. بأبقى معك
قسم بالله ياكره الغياب الممتلي بجنون
والله العظيم " اشتاقلك "
" تكفى طمني عليك "
"ماني مرتاح بغيابك "
تكفى حس شوي فيني "
بكل عمري أحتريك
آهـ ياكلي " يبيك "
كنت أغني بصوت واضح " حيل واضح "
وكنت اشوف الشوق فاضح ..
حيل فاضح
وانتهيت بـ " بكل عمري "
ولا إنتهيت من الغلا الفياض فيني ..
وكل .. كلي مايبات
ولاني مبعد ماأبيك ..
ماتركتك الا من خوفي عليك
ولاهويتك الا من شوقي إليك
ماتركتك .. لإني راحل للسلام ..
ماتركتك .. هذي لحظات التمام ..
مخرجٌ.."
وتزفر بالسما هالغيم ..
وتناديني .. بسمو الأرض
وأحسك حيل في صدري
وأتنفس .. من انفاسك ..
-
قلبك اللي له صراخ الحين وينـه
ويـن كـان الحـب فيـه ويــن داره
شفت قلبك بالخيال اش كثر لينـه
منـدريـن الحـب في قلـبك طهـاره
