أحد تنومس رفقته وافتخر فيه
واعتز في عرف السنافي وشرواه
وأحد سروري يوم اغادر حراويه
ارتاح واسلى وانبسط عقب فرقاه
و أحد ليا منه زعل ودي ارضيه
وحدن زعله احب عندي من رضاه
وحدن سوى لانيب اسبه ولا اغليه
ان رضي عادي وان زعل مانشدناه
والطيب يطلع فالنشاما مواريه
يظهر على الرجال شكله ومعناه
اما شجاع والظفر في هقاويه
وإلا كريم تفعل الجود يمناه
ومن طاع ربه فاز وادرك مناويه
ومن خالف امره خسر دينه ودنياه
راجح العجمي
منقول لكم للطلاع
تعليق