إعـــــــلان

**محمد مهدي ابراهيم** · Jan-03-2022, 02:18 PM

حسبي الله قلتها مليون مره
وحسبي الله فالثواني والدقايق

الحلاوه في فمي ياناس مره
والحقيقه جزء من هاك الحقايق

قالو الحاسد نشوف ابليس مره
قالو ان ابليس والحاسد شقايق

**محمد مهدي ابراهيم** · Jan-03-2022, 02:20 PM

وين انت يامن دعاك القلب وقفيت
القلب حبك ولك كل الموده

هذا جفا منك يالغالي وصديت
قلبي معك كيف يالغالي ترده

بالله لا تبعد الخطوه فنا ميت
اخاف حبي حبيبي منت قده

الظن في حبكم صايب ولا اخطيت
لا تخلف الظن قول الصدق عده

حروف في جملتين اكتب بها بيت
يبين الود لي هاته وبده

انا على الوعد يالغالي ولا جيت
سيف المفارق على ايامي تحده

يا ذايع الوصف بل يا ذايع الصيت
الطرف في صاحبك بالله لده

**محمد مهدي ابراهيم** · Jan-03-2022, 02:23 PM

امسي بكل الحب لحبابي الغالين
سلام ن من الله دوم ياكل الاحبابي

سلام الوفا والطيب حتى ولو سالين
ومن صد انا منشده عن كل الاسبابي

الا ليتكم عن حب غيري بعد خالين
وياليت يوم افتح واشوفك على بابي

انا دوم بسمك يا وليفي من التالين
عسى الله يغفر لي وهو رب الاربابي

**محمد مهدي ابراهيم** · Jan-03-2022, 02:25 PM

شفتك بحلم بليل فيه المطر هل
أتخيلك تمشي على الغيم خطوات

معى نزول الغيث ياعل ياعل
تنزل علينا يا هوى القلب قطرات

واشربك بيديني وحالي ولي حل
وتنزع من أعماقي الألم والتنهات

انت الخليل الغالي اللي لنا خل
وغيرك سراب العمر يملا المساحات

**محمد مهدي ابراهيم** · Jan-03-2022, 02:29 PM

يا حلمي اللي مابعد شفت نورك
معرفك واسمع فالخفايا أنينك

يت هاجسي محتاج بالفعل شورك
يا هاجسي عجل عسى الله يعينك

يت حلمي أتحرى بنومي مرورك
أعيش واعرف كل ماضي سنينك

ترى سروري من بقايا سرورك
عطني الأمل وارحم حبيبي ظنينك

ابيك في خيرك ومبغى شرورك
والخير مني خذه بيني وبينك

يا حلمي ألغالي أنا استن دورك
بالفعل انا محتاج باقي حنينك

ياليت حسي يعرف أبسط شعورك
وياليت حلمي أعرف الحين وينك

او أعرف أوجاعك وباقي غرورك
وياليت ديني دوم يشبه لدينك

**محمد مهدي ابراهيم** · Jan-03-2022, 02:31 PM

يامفارق شكيت الك المفارق
فارق الخل والطرقه طويله

المفارق بعيني دوم طارق
كل ليله اشوفه كل ليله

الحقيقه خويك سار غارق
لا تقل عزتي له وا حليله

نجمي اللي تعلا دوم شارق
بالعيون المحبه دوم اخيله

فالعلا ما وصله الفين سارق
تعجز الناس مابه من وسيله

نجم مايوصله صاروخ خارق
يعجز الخلق عنه بكل حيله

والله ان المفارق سار حارق
علمو العشق ينزلي واجيله

**محمد مهدي ابراهيم** · Jan-03-2022, 02:33 PM

يا ونتي ونت مريض ن يون من الوجوعي
سهران طول الليل مابات من ذيك الوجايع

ماهمني ابقى العمر احارب ظماي وكل جوعي
اعيش كل العمر لجلك وانا ظامي وجايع

انا ترى كل العمر ماعرفت أية رجوعي
ولا تعودنا على القهقره والا الرجايع

كل المنى عندك نحط الركايب للهجوعي
من بعد نصف الليل والكل فالحله هجايع

**محمد مهدي ابراهيم** · Jan-03-2022, 02:42 PM

من بعد ذكر الله ابا قص قصتي
وقصتي يالربع دايم على البال

خاويت لي رجال وقت ن من الزمن
والرجل فضلته على كل رجال

كنت اخدمه ولا اتعذر لخدمته
واقدم الخدمه ولو كان مرسال

اجامله وامشي معه حسب رغبته
وكم ردني في مطلبي له ولا زال

وامزح معه بالطيب والطيب مقصدي
وكم يجرح الخاطر اذا قال الاقوال

زلته محسبها ولا احسب لزلته
اقدره واغليه واسمح في الحال

ان جاه زله كم يحسب لزلتي
وان زل ما يحسب لزلته وش قال

يدقق بهرجي والحروف ابجديها
وكم كلمة ن شينه تجيني على الفال

لقيت مالي قيمة ن عندي صاحبي
وانا منزله قلبي وهو خير منزال

انا لجل ساعات ن معه يوم عشتها
اسامحه واسفط زعلنا على جال

اذا كنت مخطي حق للصاحب اكرمه
واعده اخي والعم والابن والخال

تعجبت يوم ارجع واسلم واصافحه
وكني معه والهجر مابيننا طال

ولكن نصيحه والنصيحه بلا ثمن
مرد البشر للقبر وتشوف الاهوال

الا يازمن وش غير الناس يا زمن
مناصب رتب والا مغيرهم المال

ولو طال عمر الرجل لابد ينتهي
وبعد المناصب والغنى ايه رحال

وبختم صلاة الله على سيد البشر
محمد عدد ما هل بالخير همال

**محمد مهدي ابراهيم** · Jan-03-2022, 02:45 PM

بعد الغياب ادون اسمي لذكراه
له في فوادي كل تقدير واعجاب

ياكم رجوت الحظ وابصر محياه
واظيفه القلبي على راس الاحباب

رغم السنين اللي مضت مقدر انساه
غايب ولا ادري ليه هو عننا غاب

الطيف قلبي بالغلا دووووم ناداه
الطيف غربه حظ بل سيد الاغراب

**محمد مهدي ابراهيم** · Jan-03-2022, 02:48 PM

سرى الليل لاباقي من الليل نص الليل
وقلبي تولع فيك والفكررر مشغلني

ومن كثر فكري فيك ما عاد فيني حيل
ونومي هجرته والسبب يوم تهجرني

الا يا وليف الروح يا تاج كل الهيل
ابي شوفتك وارجوك لا عاد تحرمني

ترى غيبتك لي جرح والصد كله ويل
ولو طال صدك يا هوى الروح يجرحني

وطلتك لي بلسم وديمه قفاها السيل
يربع بها قلبي مع الوقت تسعدني

**محمد مهدي ابراهيم** · Jan-03-2022, 02:51 PM

الله على كل المخاليق شاهد
وحط فوق المتن من خلقه اشهود

ابني مع العالم ولا ادري وش اهد
والبعض يبنيها على اسهود وامهود

لاني بلى عاصي ولاني بزاهد
مسلم ولي بصمه بشاهد ومشهود

الوم نفسي لو عصتني واجاهد
يارب عاوني على كل مجهود

**محمد مهدي ابراهيم** · Jan-03-2022, 02:54 PM

احبابي الغالين وين التلاقي
الشوق زايد والغلا دوم في زود

ياشوق قلبي وانت للحب راقي
لو ضعت مني دنيتي مالها فود

اتعبت قلبي والحفا هد ساقي
وانا شباب وكنني صاير ن عود

والله لو تدري بكل اشتياقي
انك تعدى حاتم الطي بالجود

اقول قرب مانبي لك فراقي
فرقاك هدت حيل وايامنا سود

الكون في عيني ترى حيل ظاقي
وهم الفراق اثقل علينا من الطود

**محمد مهدي ابراهيم** · Jan-03-2022, 02:56 PM

ياليت تنشدني وش اسرار ماضيك
وترتاح من كل الهواجس والافكار

محتار كيف اوصل لودك ونرضيك
محتار كيف اعطيك ياشوق تذكار

ياعل رب الكووون ياشوق يهديك
واكون ياشوقي معك ظمن الاذكار

اكلمك في داخلي ناشد اش فيك
وارد عنك اشدد اعذار الانكار

**محمد مهدي ابراهيم** · Jan-03-2022, 02:59 PM

سلام الله على اللي صد عني والجفا ممدود
تمده من سنين وطال هجرك يا هوى بالي

وتبقى ياربيع العمر يا راع الكرم والجود
حبيب القلب ماغيرك نحبه وانته الغالي

انا خوفي يكون الدرب لك ياصاحبي مسدود
واعيش العمر كله في عذاب وصاحبي سالي

انا كني على هجرك وصدك يالغلا موعود
غيابك يالغلا والله هدة حيل لوطالي

تراك اغلا بشر وابشرك بان الغلا في زود
يزيد الحب في قلبي وذكرك دوم له تالي

إعـــــــلان

مدونه خاصه لقصائد ابوسلطان

مدونه خاصه لقصائد ابوسلطان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق