أنواع الفحم ...
لما اتكلمنا عن أضرار الشواء على الفحم ، وعرفنا مع بعض ايه الاحتياطات الي تقلل أضرار الغازات والأبخرة المنبعثة من الفحم ، قلت لحضراتكم ان الأفضل صحيا والأقل ضررا الشواء على فحم نباتي والابتعاد عن الفحم الصناعي ...
طيب ايه هي أنواع الفحم وإزاي نقدر نفرق بينها ؟
عندنا الفحم الحجري والفحم النباتي والفحم الصناعي .
من غير كلام تخصصي يتوهكم ...
☆ الفحم الحجري :
هو الفحم الذي تكون عبر ملايين السنين بعد تحلل المواد العضوية للكائنات الحية ووجودها تحت ضغط عالي ... ده بيستخرج من المناجم وهو الوقود الأساسي المستخدم لانتاج الطاقة وتدوير المحطات الكهربائية .
شكله زي ما هو واضح في الصور شبيه بالأحجار الغير منتظمة الشكل والحجم .
☆ الفحم النباتي :
فحم من خشب الأشجار بيتم تجفيفه ثم وضعه في مكامر بتنتج لنا الفحم ده الي بيتميز ان شكله مشابه لشكله الطبيعي وهو خشب لأنه بيكون على شكل فروع وجذوع أشجار ... ومنه أنواع فحم خشب الفواكه زي فحم البرتقال وفحم الجازورين .
عايزة أقول لكم إن مصر من ضمن أول عشر دول عالميا في انتاج الفحم .
☆ الفحم الصناعي :
أو أحيانا بيباع تحت إسم الفحم المضغوط .
بيتم تصنيعه من بواقي وتراب الفحم الطبيعي وطحنها وخلطها بمواد للتثبيت ثم يتم كبسها داخل قوالب علشان كده النوع ده من الفحم بياخد اشكال هندسية مكعبات أو أشكال اسطوانية أو دائرية أو أقراص
سريع الاشتعال وسريع الانطفاء ولا يخرج منه دخان ولما بينطفئ بيخلف وراءه رماد علة نفس شكل القطعة الي تم اشعالها من غير ما يبقى تراب
الفحم ده على الرغم من عدم انبعاث أدخنة منه فهو خطير وله أضرار على الصحة والبيئة وبعض الدول منعته ... لأنه بينبعث منه غاز أول أكسيد الكربون بشكل مكثف .. الفحم الصناعي صنفه الاطباء على انه المسؤول عن أمراض سرطان الرئة واللوكيميا وأمراض الجهاز التنفسي ومثبط لمناعة الجسم وأمراض المناعة ...
أول أكسيد الكربون في الفحم الصناعي له القدرة على الاتحاد مع هيموجلوبين الدم 200 مرة ضعف الأكسجين لذلك هو مسؤول عن الأمراض الصدرية كالربو والتهاب الشعب الهوائية والحساسية الصدرية .
لا يجب أبدا إشعال الفحم خاصة الصناعي في غرف مغلقة دون تهوية لتجنب الاختناق والتسمم بأول أكسيد الكربون .
ممكن تشتروا الفحم معبأ وبيكون مكتوب عليه نوعه للمزيد من التأكد ... أو تعتمدوا على الشكل في التفريق وكلنا دلوقتي أصبحنا أساتذة فيه 😉
دمتم سالمين طيبين أصحاء .
مع تحياتي/ د. شيرين علي زكي
لما اتكلمنا عن أضرار الشواء على الفحم ، وعرفنا مع بعض ايه الاحتياطات الي تقلل أضرار الغازات والأبخرة المنبعثة من الفحم ، قلت لحضراتكم ان الأفضل صحيا والأقل ضررا الشواء على فحم نباتي والابتعاد عن الفحم الصناعي ...
طيب ايه هي أنواع الفحم وإزاي نقدر نفرق بينها ؟
عندنا الفحم الحجري والفحم النباتي والفحم الصناعي .
من غير كلام تخصصي يتوهكم ...
☆ الفحم الحجري :
هو الفحم الذي تكون عبر ملايين السنين بعد تحلل المواد العضوية للكائنات الحية ووجودها تحت ضغط عالي ... ده بيستخرج من المناجم وهو الوقود الأساسي المستخدم لانتاج الطاقة وتدوير المحطات الكهربائية .
شكله زي ما هو واضح في الصور شبيه بالأحجار الغير منتظمة الشكل والحجم .
☆ الفحم النباتي :
فحم من خشب الأشجار بيتم تجفيفه ثم وضعه في مكامر بتنتج لنا الفحم ده الي بيتميز ان شكله مشابه لشكله الطبيعي وهو خشب لأنه بيكون على شكل فروع وجذوع أشجار ... ومنه أنواع فحم خشب الفواكه زي فحم البرتقال وفحم الجازورين .
عايزة أقول لكم إن مصر من ضمن أول عشر دول عالميا في انتاج الفحم .
☆ الفحم الصناعي :
أو أحيانا بيباع تحت إسم الفحم المضغوط .
بيتم تصنيعه من بواقي وتراب الفحم الطبيعي وطحنها وخلطها بمواد للتثبيت ثم يتم كبسها داخل قوالب علشان كده النوع ده من الفحم بياخد اشكال هندسية مكعبات أو أشكال اسطوانية أو دائرية أو أقراص
سريع الاشتعال وسريع الانطفاء ولا يخرج منه دخان ولما بينطفئ بيخلف وراءه رماد علة نفس شكل القطعة الي تم اشعالها من غير ما يبقى تراب
الفحم ده على الرغم من عدم انبعاث أدخنة منه فهو خطير وله أضرار على الصحة والبيئة وبعض الدول منعته ... لأنه بينبعث منه غاز أول أكسيد الكربون بشكل مكثف .. الفحم الصناعي صنفه الاطباء على انه المسؤول عن أمراض سرطان الرئة واللوكيميا وأمراض الجهاز التنفسي ومثبط لمناعة الجسم وأمراض المناعة ...
أول أكسيد الكربون في الفحم الصناعي له القدرة على الاتحاد مع هيموجلوبين الدم 200 مرة ضعف الأكسجين لذلك هو مسؤول عن الأمراض الصدرية كالربو والتهاب الشعب الهوائية والحساسية الصدرية .
لا يجب أبدا إشعال الفحم خاصة الصناعي في غرف مغلقة دون تهوية لتجنب الاختناق والتسمم بأول أكسيد الكربون .
ممكن تشتروا الفحم معبأ وبيكون مكتوب عليه نوعه للمزيد من التأكد ... أو تعتمدوا على الشكل في التفريق وكلنا دلوقتي أصبحنا أساتذة فيه 😉
دمتم سالمين طيبين أصحاء .
مع تحياتي/ د. شيرين علي زكي
تعليق