• تم تحويل المنتديات للتصفح فقط

إعـــــــلان

تقليص
لا يوجد إعلان حتى الآن.

صوت الصورة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صوت الصورة

    • صوت الصورة


    تراثنا اللي حافظينه من أزمان ورث الجدود اللي خذوها فراسه


    صورة العدد (عدسة / صالح الثبيتي)

    البندق اللي من البارود مليانه
    يطمر بها اللي عجيبات مهاراته
    لا ثوّرت شفت عجتها ودخانه
    رمز الشجاعة عليم الله حزاته
    مبطي تراثه قديم فيه عنوانه
    عرضه عليها من الألوان فزاته
    الدار دار الجنوب وهذي الوانه
    وسلام مني عدد ما سار خطواته
    يخص حد الوطن والحد ميزانه
    يا ويل منهو يعادي وين جولاته
    تقصر يد اللي تخطى حد جيرانه
    يدوم عز الوطن في ظل قاداته

    حمد عبدالله الوايلي - حوطة سدير

    العب على البارود اظهر مواهبك
    خل الحضور تشيش وتزود تصفيق
    ذي رقصة الشجعان لاحف شاربك
    تدحر بها العدوان بين المخاليق
    بس انتبه يا خوي تقنص مدربك
    والا الحضور تصيدهم دون تصديق
    خلك حذر والعب وقدر مضاربك
    وحذراك تفعل مثل فعل المطافيق

    عبدالكريم النغيمشي - لوذة

    للربيع أفراح مع ذوقٍ رفيع
    بانت أفراحٍ على من هو يزوره
    شوفوا اللي بها الجو البديع
    فرحةٍ بالسحب واضح من سروره
    يالله بنواً على دياري سريع
    تمتلي ارضها زايد خيوره
    والمراعي بها كثر القطيع
    والفرح باهلها دوم مخبوره

    محمد عبدالعزيز الخنيفر - أشيقر

    العب وخل الهم يا طير حوران
    وارقص ترى الدنيا حلاها الوناسه
    لا جو لك الضيفان بديار شهران
    قابلتهم بالطيب وعرضة حماسه
    تراثنا اللي حافظينه من أزمان
    ورث الجدود اللي خذوها فراسه
    رجال الجنوب اللي لهم فعل وإيمان
    حماة الوطن لحدودنا هم حراسه

    خالد ناصر المخيمر - روضة سدير

    أَطْلق البارود واعتلى فوق دخَّانه
    حنَّا دواهي العرب شجاعه وفروسيه
    هذا تاريخ وسلم خواله وعمَّانه
    وفِي الصوره واحد من الشقرديه
    عاداتنا من اول ولاخر زمانه
    عادات اصيله من جنوب السعوديه

    صلاح بن ظافر - خميس بن مشيط

    الرجل يلعب يوم جاله مجال
    يحمل البندق يمين .. ويسار
    والربيع اقبل هني أهل الحلال
    دامت الافراح في كل الديار
    ارضنا خضراء ولا يوجد مثال
    في وطنا يا عسى دايم عمار
    والعرب بين شد وارتحال
    ذي طبيعه دوام الها مسار
    بالمرابع لزوم ابها العدال
    التصافي مطلبٍ وبلا شجار




    التعديل الأخير تم بواسطة عبدالله السهيمي; الساعة Mar-04-2019, 11:22 PM.
    كل العطور سينتهي مفعولها
    ويدوم عطر مكارم
    الأخلاق

  • #2
    نقل موفق ابو معيض وجميل ورائع
    تسلم بارك الله فيك ويعطيك العافيه

    تعليق

    يعمل...
    X