حبيبتي ماشوف لك في البشر ند=يا سلوة القلب ومنـاه ونشيـده
من يوم رمشك صوب القلب وارتد=ركز نياشينـه و طيّـح شهيـده
من يومها والغيد ماعدّهـم عـد=انتـي بقلبـي ياهـواه الوحيـده
اثرالعيون السود في هزلهـا جـد=راحت ضحاياها قلوبـن عديـده
ياللي بوجناتك نبت زاهي الـورد=وبثغرك الساحر لآآلـىء فريـده
حبك تملكني من الحد الي الحـد=يا مقتبل عمر الفرح يـا فقيـده
حب ٍ سكن بالروح ينزل ويصعـد=يسري لقلب المبتلا مـع وريـده
احب معسـول الحكـي لا تـودد=اسكر بهمس اشفاه وبلمّسة ايـده
واحب حجـان الغضـب لاتعقّـد=اموت لا شفت الحواجب عقيـده
تبصم على صك المحبه وتشهـد=كل الجروح الماضيـه والجديـده
اشقى لقربك واهتني فيه واسعـد=لانك من اسباب الحياه السعيـده
وان غاب زولك غربتي مالها غد=الفكر تايـه والمشاعـر شريـده
ارحل عن الواقع بذكـراك وابعـد=وانسى محطات السنين المديـده
لاصار بعدك نـار بالقلـب توقـد=وشلون اعيش العمر وانتي بعيده
زوّد عذاب الحب يا صاحبـي زد=ان كان هذا شي يرضيـك زيـده
تري عذاب البعد والهجر والصـد=ماله علاج ولا وطبيب (ن)يفيـده
واللي سلب عقله هوى باهي الخد=اما طرحـه الحـظ والا يشيـده
بالذات لامنه عشق مايـس القـد=ضبين زعيم الريم مدري عميـده
كذا جمال الغيـد سحـره موكـد=يسلب عقول اهل العقول الرشيده
اذكر بمرّه والغلا صادق الوعد=لحظة لقانا والمشاعر وقيده
تقول اخـاف ان الامانـي تبـدد=والصبر من عندك يبيّح رصيـده
قلت الزمن لوطال ماننقض العهد=والله يجازي كـل خايـن بكيـده
قالت نشوف الحظ واحلامنا ضـد=نحلم ولا يتحقـق اللـي نريـده
قلت العفو من حكمة الصبر لابـد=الموج عاتي والعواصف شديـده
وما دامنا قلبين يجمعهـم الـود=نصبر على جور الظروف العنيده
البارحه جرح الهوى بيّـح السـد=على جناح القاف وصّـل بريـده
هاجس سرى يبرق خياله ويرعد=ترجم على متن القوافي قصيـده

صح لساانكـ يا عبدالله ومافيكـ حيله

قصيدهـ جميله من شاعر جزل و مبدع


تحيااتي لشخصكـ الكريم