• مواضيع مميزة
  • <-> ضيف مائدة بالقرن الرمضانية <-> سجن الشعر .. موضوع عام يحق للجميع المشاركة . <-> الفزعه والتطفل <-> مشاركة محافظة بلقرن بالمهرجان الوطني للتراث والثقافة بالجنادرية ( 31 ) متجدد <-> ملف خاص لديكورات المنزل الداخلية والتشطيب <-> جلسة فشل <-> إعترافات لم يطلبها أحد ! <-> الى اليمين دُر ..! <-> أقوال مُحبي الشيخ عائض القرني بمناسبة سلامته من الإعتداء الآثم ( متجدد ) <-> فطيرة التمر اللذيذة <->
    صفحة 10 من 10 الأولىالأولى ... 678910
    النتائج 181 إلى 189 من 189
    Like Tree78Likes

    الموضوع: الا ليت الزمــــــــــــــــــــان يعــــــــود يومــــاً .

    1. #181
      المراقب العام
      على جميع الأقسام



      عضو لجان التكريم وتنظيم الاحتفالات
      الصورة الرمزية جمال بن صالح
      • تاريخ التسجيل : Apr 2008
      • المشاركات : 64,909
      • النقاط :

      افتراضي

      أختياراتي likes this.






    2. #182
      شـــــــــ مميزـــــــــــــاااعر
      • تاريخ التسجيل : May 2007
      • المشاركات : 696
      • النقاط :

      افتراضي

      .


      عز الله اني كلما قلت برتاح
      جتني من اكفوف المقادير صكه

      يالله تفررج ضيقة الهم ويزاح
      واكتب لنا التوفيق في كل سكه

      بعض البشر من خوته تجني ارباح
      والبعض فكه من مخاواه فكه

      بمشي مع اهل الطيب ملفى ومسراح
      اللي هواهم شوف طيبه ومكه

      مليت من خووة رفيق التمصلاح
      اللي يسير اعمى وعيشته ضنكه



      .

    3. #183
      شـــــــــ مميزـــــــــــــاااعر
      • تاريخ التسجيل : May 2007
      • المشاركات : 696
      • النقاط :

      افتراضي

      .


      مليت من كثر القصايد .. ومليت
      صدر الصحايف بالشعر والكتابه

      الجادل اللي من سبايبه عانيت
      غرون حكم قلبي بحد الحرابه

      ياما رسمته في خيالي وسجيت
      اسرج خيول الفكر واطرد سرابه

      وياما وصفته بالقصيد وتهقويت
      اشقيت به قلبي وهو ما درى به

      سنين ما عيّبه قلبي ولا اوعيت
      واليوم لا والله وعا به .. وعابه

      من يطرد المقفي زروه الشماميت
      وانا شموخي فوق هام السحابه

      اليوم قفى خاطري عنه واقفيت
      ماضي تناسيته وصكيت بابه

      الحلم مييت والحقايق توابيت
      والوقت يسرقني ولا احسب حسابه

      برضى بما الله قاسم ٍ لي وما اعطيت
      حكم المقدر كل مؤمن رضابه

      يالله تغفر زلتي يوم انا اخطيت
      ياواحدن رحمته تسبق عذابه

      حلفت عقب اليوم ما اكتب ولا بيت
      يكفيه ما خط القلم في جنابه



      .

    4. #184
      شـــــــــ مميزـــــــــــــاااعر
      • تاريخ التسجيل : May 2007
      • المشاركات : 696
      • النقاط :

      افتراضي

      .



      اضحك وخليها صداقات ومزوح
      دنياك ماتسوى خصومات وحروب

      مالك بضيق الصدر داعي ومصلوح
      دام القضى فينا .. مقدر ومكتوب

      كم من صويب ٍ يشكي الضيم وينوح
      لاشك في الدنيا معاناه وخطوب

      عالج هموم الوقت بالصبر وتروح
      والا قضيت العمر ضايق ومتعوب

      واصفح ترى المحظوظ من قال مسموح
      اجره عظيم وبين الاجواد محبوب

      وابعد عن اللي في الهوى دوم مشفوح
      منكوب واللي صاحب الجهل منكوب

      احرص على رفقة صحيح ٍ ولحلوح
      نشمي يخاف الله ولاهو بمعطوب

      واحذر ترى فعلك مسجل على اللوح
      واللي تلفظ به من القول محسوب

      الصدر خله دوم بالذكر مشرووح
      والنفس عودها على الطاعه وتوب

      انا اشهد ان الذكر كله دوا روح
      وان الدوا لمعالج الروح مطلوب




      .
      التعديل الأخير تم بواسطة عبدالله الشغيبي ; Aug-04-2017 الساعة 03:50 AM

    5. #185
      شـــــــــ مميزـــــــــــــاااعر
      • تاريخ التسجيل : May 2007
      • المشاركات : 696
      • النقاط :

      افتراضي

      .


      اللهم صل وسلم وبارك على نبينا محمد
      وعلى اله وصحبه اجمعين

      .


      ياشعر طرز بالحروف امسياتك
      في مدح من تفخر بمدحه وتختال

      مدح النبي فرصه ثمينه وجاتك
      خير البريه ما توفيّيه الاقوال

      ياسيدي حبك وكثرة صلاتك
      نلقى بها راحه ونعقد بها آمال

      ما حدن في الدنيا يضاهي غلاتك
      كل الخلايق جال ومحبتك جال

      مابين ميلادك وساعة وفاتك
      سيره توارثها الأمم عبر الأجيال

      سيرة بطل نفخر بها من رواتك
      تغيّر الانسان من حال الي حال

      اما بنفسه طاب .. واثمر نباتك
      والا امحلت دنياه من كثر الاهوال

      من يتّبع نهجك وسوى سواتك
      يرتاح في الدنيا وفي الاخره نال

      ما غيرك من الخلق يملك سماتك
      ولا مشى مثلك على الأرض رجال

      فاقت جميع الانبياء معجزاتك
      لك منزله تعلى على كل منزال

      ليلة سرى البراق من مكرماتك
      قصه تفوق الوصف في كل الاحوال

      والكوثر اللي صار من معطياتك
      منهال من ورّد على خير منهال

      والغيم فوقك يرتحل مع خطاتك
      من حبك .. الله سخر الغيمه ظلال

      والله كفاك الشر .. ليلة مباتك
      سخر جنود الغار حراس واقفال

      من يوم جاك الوحي غير حياتك
      صارت حياتك كلها حمل واثقال

      والله يحقق لك جميع امنياتك
      لانه وعدك النصر في سلم ونزال

      ما اهتز من قو العواصف ثباتك
      توقف بوجه العاصفه وقفة جبال

      الباطل ازهقته بقمعة عصاتك
      والجهل كسرته على روس الانذال

      والارض شعشع نورها من جهاتك
      نورك على درب المحبين مرسال

      لو كل مسلم يتّصف في صفاتك
      ما قصرت الامه ولا خصمها طال

      لو نقتدي نهجك ونحفظ وصاتك
      صرنا على القمه مطانيخ وابطال




      .
      التعديل الأخير تم بواسطة عبدالله الشغيبي ; Aug-10-2017 الساعة 06:39 PM

    6. #186
      شـــــــــ مميزـــــــــــــاااعر
      • تاريخ التسجيل : May 2007
      • المشاركات : 696
      • النقاط :

      افتراضي

      .


      كتبت البيتين التاليه من باب الدعابه

      ياللي نشدني عن جمال الغنادير
      دوور وتلقى الزين في كل ديره

      وان كان تبغى الصدق من غير تزوير
      والعذر منكم يابنات .. الجزيره

      الزين في طنجه وكازا واقادير
      ومن الرباط الي حدود الصويره

      .
      .


      وبعد زعل من البعض فهمتهم انها مجرد مزحه واعتذرت بهذه القصيده


      .
      يابنت لك بيرق على كل مشراف
      وانتي على كل الغوادي مديره

      بنت الجزيره حضر والا بالارياف
      متفوقه بالزين في كل ديره

      الوزن وزنك لاجت ثقال وخفاف
      انتي كما الالماس ماشي نضيره

      وانتي ملاك الكون في كل الاطياف
      وانتي سنام الحسن ما انتي باخيره

      دقة ملامح وجه مع دقة أطراف
      كلك جمال وفيك فتنه مثييره

      رمشك كحيل ونظرتك كلها اجحاف
      كم من ضحايا الرمش حستي مريره

      والقد غصن البان لاهف هفهاف
      يبري عليل الروح زاكي عبيره

      الله حباك الزين والعقل بانصاف
      ما للهوى كلمه وعقلك يديره

      عفه وهيبه والحلا فيك باسراف
      والطيب لك تذكار في كل سيره

      بذرة شرف تنبت على بيئة اشراف
      من دونها حد السيوف الشطيره




      .
      التعديل الأخير تم بواسطة عبدالله الشغيبي ; Aug-12-2017 الساعة 11:09 AM
      أختياراتي likes this.

    7. #187
      المراقب العام على المنتديات العامة الصورة الرمزية سعد بن معيض القرني
      • تاريخ التسجيل : Aug 2011
      • الدولة : الطائف
      • المشاركات : 22,044
      • النقاط :

      افتراضي

      صح لسانك
      إذا لم يكن لك حاسد فلا خير فيك
      وإذا لم يكن لك صاحب فلا خلق لك
      وإذا لم يكن لك دين فلا مبدأ لك

    8. #188
      شـــــــــ مميزـــــــــــــاااعر
      • تاريخ التسجيل : May 2007
      • المشاركات : 696
      • النقاط :

      افتراضي

      .

      كل ٍ ينام ويودع .. الهم تابوت
      الا صويب الرمش هايم وسهران

      الفكر شاشه والهواجيس ريموت
      تظهر برامج عمره اشكال والوان

      ويجيبها الهاجوس من فايت الفوت
      قصه يعيش احداثها طول الازمان

      يحلم يكلمها .. ويتخيل الصوت
      لاشك دون الوصل حاكم وسلطان

      الجادل اللي بين حجانه الموت
      واذا تبسّم شفت لولو ومرجان

      القد غصن البان والخصر منحوت
      وتميل لاهب الهوى مثل الاغصان

      الخد وردي والشفايف كما التوت
      ومن الحلا ينبت على الصدر رمان

      وعيونها تطغى على سحر هاروت
      واللي هواها بين رابح وخسران

      اما يلاقي من كرم وصلها قوت
      والا يعيش العمر تايه وحيران





      .
      التعديل الأخير تم بواسطة عبدالله الشغيبي ; اليوم الساعة 03:58 AM

    9. #189
      شـــــــــ مميزـــــــــــــاااعر
      • تاريخ التسجيل : May 2007
      • المشاركات : 696
      • النقاط :

      افتراضي

      اقتباس المشاركة الأصلية كتبت بواسطة سعد بن معيض القرني مشاهدة المشاركة
      صح لسانك
      صح بدنك ياغالي


      .

    صفحة 10 من 10 الأولىالأولى ... 678910

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 4 (0 من الأعضاء و 4 زائر)

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •