الا ليت الزمــــــــــــــــــــان يعــــــــود يومــــاً .

[جمال بن صالح]

[عبدالله الشغيبي]

.


عز الله اني كلما قلت برتاح
جتني من اكفوف المقادير صكه

يالله تفررج ضيقة الهم ويزاح
واكتب لنا التوفيق في كل سكه

بعض البشر من خوته تجني ارباح
والبعض فكه من مخاواه فكه

بمشي مع اهل الطيب ملفى ومسراح
اللي هواهم شوف طيبه ومكه

مليت من خووة رفيق التمصلاح
اللي يسير اعمى وعيشته ضنكه



.

[عبدالله الشغيبي]

.


مليت من كثر القصايد .. ومليت
صدر الصحايف بالشعر والكتابه

الجادل اللي من سبايبه عانيت
غرون حكم قلبي بحد الحرابه

ياما رسمته في خيالي وسجيت
اسرج خيول الفكر واطرد سرابه

وياما وصفته بالقصيد وتهقويت
اشقيت به قلبي وهو ما درى به

سنين ما عيّبه قلبي ولا اوعيت
واليوم لا والله وعا به .. وعابه

من يطرد المقفي زروه الشماميت
وانا شموخي فوق هام السحابه

اليوم قفى خاطري عنه واقفيت
ماضي تناسيته وصكيت بابه

الحلم مييت والحقايق توابيت
والوقت يسرقني ولا احسب حسابه

برضى بما الله قاسم ٍ لي وما اعطيت
حكم المقدر كل مؤمن رضابه

يالله تغفر زلتي يوم انا اخطيت
ياواحدن رحمته تسبق عذابه

حلفت عقب اليوم ما اكتب ولا بيت
يكفيه ما خط القلم في جنابه



.

[عبدالله الشغيبي]

.



اضحك وخليها صداقات ومزوح
دنياك ماتسوى خصومات وحروب

مالك بضيق الصدر داعي ومصلوح
دام القضى فينا .. مقدر ومكتوب

كم من صويب ٍ يشكي الضيم وينوح
لاشك في الدنيا معاناه وخطوب

عالج هموم الوقت بالصبر وتروح
والا قضيت العمر ضايق ومتعوب

واصفح ترى المحظوظ من قال مسموح
اجره عظيم وبين الاجواد محبوب

وابعد عن اللي في الهوى دوم مشفوح
منكوب واللي صاحب الجهل منكوب

احرص على رفقة صحيح ٍ ولحلوح
نشمي يخاف الله ولاهو بمعطوب

واحذر ترى فعلك مسجل على اللوح
واللي تلفظ به من القول محسوب

الصدر خله دوم بالذكر مشرووح
والنفس عودها على الطاعه وتوب

انا اشهد ان الذكر كله دوا روح
وان الدوا لمعالج الروح مطلوب




.

[عبدالله الشغيبي]

.


اللهم صل وسلم وبارك على نبينا محمد
وعلى اله وصحبه اجمعين

.


ياشعر طرز بالحروف امسياتك
في مدح من تفخر بمدحه وتختال

مدح النبي فرصه ثمينه وجاتك
خير البريه ما توفيّيه الاقوال

ياسيدي حبك وكثرة صلاتك
نلقى بها راحه ونعقد بها آمال

ما حدن في الدنيا يضاهي غلاتك
كل الخلايق جال ومحبتك جال

مابين ميلادك وساعة وفاتك
سيره توارثها الأمم عبر الأجيال

سيرة بطل نفخر بها من رواتك
تغيّر الانسان من حال الي حال

اما بنفسه طاب .. واثمر نباتك
والا امحلت دنياه من كثر الاهوال

من يتّبع نهجك وسوى سواتك
يرتاح في الدنيا وفي الاخره نال

ما غيرك من الخلق يملك سماتك
ولا مشى مثلك على الأرض رجال

فاقت جميع الانبياء معجزاتك
لك منزله تعلى على كل منزال

ليلة سرى البراق من مكرماتك
قصه تفوق الوصف في كل الاحوال

والكوثر اللي صار من معطياتك
منهال من ورّد على خير منهال

والغيم فوقك يرتحل مع خطاتك
من حبك .. الله سخر الغيمه ظلال

والله كفاك الشر .. ليلة مباتك
سخر جنود الغار حراس واقفال

من يوم جاك الوحي غير حياتك
صارت حياتك كلها حمل واثقال

والله يحقق لك جميع امنياتك
لانه وعدك النصر في سلم ونزال

ما اهتز من قو العواصف ثباتك
توقف بوجه العاصفه وقفة جبال

الباطل ازهقته بقمعة عصاتك
والجهل كسرته على روس الانذال

والارض شعشع نورها من جهاتك
نورك على درب المحبين مرسال

لو كل مسلم يتّصف في صفاتك
ما قصرت الامه ولا خصمها طال

لو نقتدي نهجك ونحفظ وصاتك
صرنا على القمه مطانيخ وابطال




.

[عبدالله الشغيبي]

.


كتبت البيتين التاليه من باب الدعابه

ياللي نشدني عن جمال الغنادير
دوور وتلقى الزين في كل ديره

وان كان تبغى الصدق من غير تزوير
والعذر منكم يابنات .. الجزيره

الزين في طنجه وكازا واقادير
ومن الرباط الي حدود الصويره

.
.


وبعد زعل من البعض فهمتهم انها مجرد مزحه واعتذرت بهذه القصيده


.
يابنت لك بيرق على كل مشراف
وانتي على كل الغوادي مديره

بنت الجزيره حضر والا بالارياف
متفوقه بالزين في كل ديره

الوزن وزنك لاجت ثقال وخفاف
انتي كما الالماس ماشي نضيره

وانتي ملاك الكون في كل الاطياف
وانتي سنام الحسن ما انتي باخيره

دقة ملامح وجه مع دقة أطراف
كلك جمال وفيك فتنه مثييره

رمشك كحيل ونظرتك كلها اجحاف
كم من ضحايا الرمش حستي مريره

والقد غصن البان لاهف هفهاف
يبري عليل الروح زاكي عبيره

الله حباك الزين والعقل بانصاف
ما للهوى كلمه وعقلك يديره

عفه وهيبه والحلا فيك باسراف
والطيب لك تذكار في كل سيره

بذرة شرف تنبت على بيئة اشراف
من دونها حد السيوف الشطيره




.

[سعد بن معيض القرني]

صح لسانك

[عبدالله الشغيبي]

.

كل ٍ ينام ويودع .. الهم تابوت
الا صويب الرمش هايم وسهران

الفكر شاشه والهواجيس ريموت
تظهر برامج عمره اشكال والوان

ويجيبها الهاجوس من فايت الفوت
قصه يعيش احداثها طول الازمان

يحلم يكلمها .. ويتخيل الصوت
لاشك دون الوصل حاكم وسلطان

الجادل اللي بين حجانه الموت
واذا تبسّم شفت لولو ومرجان

القد غصن البان والخصر منحوت
وتميل لاهب الهوى مثل الاغصان

الخد وردي والشفايف كما التوت
ومن الحلا ينبت على الصدر رمان

وعيونها تطغى على سحر هاروت
واللي هواها بين رابح وخسران

اما يلاقي من كرم وصلها قوت
والا يعيش العمر تايه وحيران





.

[عبدالله الشغيبي]

صح لسانك

صح بدنك ياغالي


.

[عبدالله الشغيبي]

.

جتني هجوس الهــوى زومه
والشوق لي هز مشـــعـابه

قـمـت اكتب ابيات منظـومه
واشــد في البـيت واطــنـابه

صورته في القلب مرسومه
وتعطــر انفـاسي اطيـابه

ورده.. وفـله ..ويشـمـوومه
تسري مع الروح منســابه

وانا اللي اصحاه وانـومه
طيفه معـي واتسـلى بـه

بعض الغلا تبطي وسومه
ويعيش ما عاشـوا اصحابه

بصبر على البعـد وسمومه
دام الرجـا .. في تقــرّابه

وان راح .. كلن ومقسـومه
حكم المقــدر ..رضيـنـابه


.

[عبدالله الشغيبي]

.

من يعشق الفن شجع نادي الاهلي
انشهد انه رفيع الذوق من شجّعه

اللي يشاهده مما شاف منذهلي
باصاته موجهه وأهدافه موجّعه

فريق يجعل صعيب الانديه سهلي
واللي براس الصداره للورى رجّعه

اصيل يصهل على مضمارها صهلي
كم خصم داوى جنونه والدوا نجّعه

ما يجهل الاهلي الا من به الجهلي
لعيونه اشقر بيوت الشعر واسجّعه


.

[عبدالله الشغيبي]

الله على اللي تلبس الحسن تيجان
اللي على كل العذارى تفووق

الوجه بدر وخشمها حد شامان
والموت سحر عيونها لا تمووق

وان سلهمت برموشها وانت زعلان
تنسى معاناة الحياه وترووق

الثغر خاتم فيه لولو ومرجان
واللول بالتوت الطبيعي مطووق

واذا تجلى التوت والغصن ذبلان
ودك تقرب من حلاه وتذووق

الليل يتناثر على صبح الاوجان
والورد بالوجنات لونه يشووق

فيها جمال وجاذبيه وتحنان
ولسان مثل الشهد حكيه مبووق

من شافها يبقى على مر الازمان
عليل .. قلبه في هواها معووق

معها على ذبح المخاليق سلطان
بالخص لا قامت تلف وتسوق

ترحل وصورتها تعللق بالاذهان
وقلوب خلق الله عليها تتووق

مهره اصيله ماتروض لفرسان
الا على عسافها به تلووق

.

[عبدالله الشغيبي]

.


على نفس المكان اللي جمعني فيك
انا والليل واشواق الغلا نطريك

وانا اللي فاكرك هاجرت من قلبي
رحلت وهانت العشره على مغليك

مع نزف السنين .. وآهات الانين

تناسيتك مع الايام وانهيتك
لهيت بزحمة الاوهام ونسيتك

ورحلت وهانت العشره على مغليك

لقيتك جرح يتجدد .. مع الآهات يتردد
لقيتك في حنايا الروح .. حلم زايف امل مذبوح

لقيتك حزن وعيون الرجا .. تبكيك

لقيت الليل يعشق طيفك العابر
اقول انسى وانا ادري صعب نسيانك
واعاند قلبي المجرووح واكابر

حبيبي مانسيتك يوم بغيابك
انومك حلم واصحى بك .. واتنفس شذا اطيابك
واذا خييم سكون الليل
هواجيس الهوى تسريك

الا ليت الزمان يجود
بشوفك يارشيق العود
ونذكر وقتنا الماضي
ولحظات الغرام تعود

عبث يا حلمي الزايف .. تأمل والامل مفقود
على بحر الهوى يا قلبي الحيران
يطوف العمر لا مينا ولا عنوان
مراكبنا على الساحه
بوسط الموج سباحه

حبيبي رغم طول غيابك القاسي
بقلبي دوم لا يائس ولا ناسي

واذا مني عزمت انساك .. اهوجس فيك !


عبدالله سليمان

.

[عبدالله الشغيبي]

.


ياحي درّه ذكرها يطرب الحي
في دارها عن كل عابث مصونه

بنت النشاما قلبها بالشرف حي
والدين شييد في شغفها ركونه

ماهي من اللي في الهوى قلبها عي
ضبيه عليها الذيب يشحك سنونه

تنشر صور تدبل لها الميك والضي
في موقع ٍ جل البشر يدخلونه

هذا صديق وذاك مغرم وذا خي
وكلن على الموال يعزف فنونه

تطرد سراب اوهامها تحسبه مي
وتضيع ما بين الخنا والمهونه

تشتق ثوب الستر ماهمها شي
واللي ينززل قيمته يرخصونه

عبدالله سليمان


.

[عبدالله الشغيبي]

.


يامرحبا يا غلا الديره وكوكبها
يا باشة الغيد يا تاجه وسلطانه

حي العيون الوساع وحي موكبها
اللي تبدد هموم القلب واحزانه

كم نسبر الارض نمشي في مناكبها
ما شافت العين مثلك فوقها دانه

اهل الهوى في هواك الحظ ناكبها
قلوب متضررمه وعيون سهرانه

على بحور الهوى تجري مراكبها
مراكب اهل الهوى لاشك غرقانه

كريزما طلتك ما احد ٍ يواكبها
اللي تقلدك واللي منك غيرانه

يابنت لك صورة ٍ سبحان ساكبها
صوره من ابداع رب الكون سبحانه



.


.