• تم تحويل المنتديات للتصفح فقط

إعـــــــلان

تقليص
لا يوجد إعلان حتى الآن.

الا ليت الزمــــــــــــــــــــان يعــــــــود يومــــاً .

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    .


    ارزمي يا غيــوم ويــــا رعود ارعدي
    وشعقي يابــــروق وعيــدي يارياض

    امطري يا سحــــابه والبساط احمدي
    ما تضيق البسيطه والمناكب عراض

    دام يغشى جبـــــال الهم ليل اسودي
    اغسليها بمزنك كلــما الصدر هاض

    صافح الهم صدري والزمان اجودي
    بالهموم الثقيـله والنفـــوس الغلاظ

    اكحل العذل واعمــي عينه بمرودي
    اثر قلب الحسودي مايشوف البياض

    طال فجــر الحلـــوم وليلها سرمدي
    يالنوايا الرديه والقــــلوب المراض

    اشبحي في سهيل وفي ثراك البدي
    ما يخلي مكانه لو يجيــك امتعاض


    عبدالله الشغيبي




    .

    تعليق


    • #32
      .


      ياحياة الهــــم والحــــظ الـردي
      اسندي حظ الشقــاوي وانصفيـه

      كلمـــا قــال ان حـظـه بيــعَـدي
      قبــل مــا يوقف برجـلـك تركليـه

      وان تمنى بسمة الوجـــه النـدي
      وجهك الثاني حلف واقسم عليه

      وان تجراء قال حسنك مقصدي
      شاح وجه الحســن ماكنّه يبيـه

      وان بغى ثوب السعـاده يرتـدي
      ما لقى الا الهــم ثوب ٍ يرتديـه

      كم تحمل لفح قيض الجرهـدي
      عن سموم القيض ماشي ٍ يقيه

      لا التحف جنح الظلام السرمدي
      واشتــكى همه وهمـه يشتكيـه

      داهمه جيش الهمــــوم العربـدي
      بالسيوف وبالخنــــاجـر يهتويـه

      ما تروّى من مـــــزون الرعـدي
      يوم حـدّان المتـــــاعـب ترتويـه

      وان حلم بالشمس مشرقها غدي
      مات حلــــــم ٍ بالتمنـي يرتجيـه

      آه يا دنيا الشــقــى كـم تجهـدي
      من تعــلق في جمالـك تجهديـه

      كان طيري بالحـــلـوم امغـردي
      لين بالحســــرات كبلتـي يديـه

      تبت يا دنيا ومنك اغسل يـدي
      دام عند الله جزيل الفضل ليـه

      ليه ادور في ســرابك مقصـدي
      ليه ادور غير وجـه الله وجيّـه

      والهنى كحــل ٍ بعيـن المهتـدي
      من وثق بالله وحكمه يرتضيـه

      منزله فـوق الـــثريـا والجـدي
      منزلن يا سعد من يوصل اليـه

      من خذا المختار قدوه يسعـدي
      دل مفتاح السعـــاده بعـد تيـه


      عبدالله الشغيبي




      .

      تعليق


      • #33
        .



        الا يامن هوى قدره وفي نفسه يشوف الزود
        تعال اقرا كتابن وضّح المضمون طبّاعه


        تشبّح في الكلام اللي يخصّك وافهم المقصود
        اذان العاقل ان جتها نصيحة حق سماعه


        ترى ماهو بـ انا وحدي كثير اللي عليك شهود
        بعد ما بان وجهك وانكشف للغافل اقناعه


        درَينا بك مريض وفي الجمايل لك وجيهن سود
        ونفسك في بحور الوهم والخسران شراعه


        على شـا نـك تكـبّر والتكــبّـر للــه المـعــبــــود
        كرهك الناس لو سن المنافق تضحك ارباعه


        تغطرس وانت عظمك يا قليل المعرفه مقصود
        تسلّح يالضعيف بقوة ابن سعود وذراعه


        ترى لولا المعيشه كل ظهر بحملها مشدود
        صغير القوم ما يعطيك وجه ولا ثنى اصباعه


        تخون العهد لا ذمه ولاشرهه ولا منقود
        تجي نفسك على ما تشتهي والنفس طماعه


        نهبت اموال وحقوق وامانه بندها مجرود
        بها فضّلت نفسك والحصيني نعرف اطباعه


        حرمنا من عطايا الدوله اللي كفها ممدود
        وعض الكف جاحد خلته يوقف على اكراعه


        يحطونه امين وياكل اليابس مع المخضود
        حسيبه واحدن ماغمضة عينيه في ساعه


        يشوف افعالنا حتى النوايا سترها مشهود
        وكلن في النهايه لله المعبود مرجاعه


        عبدالله الشغيبي


        .

        تعليق


        • #34
          .



          حسبي على الحظ الـــــردي في كل وقفاتـه يميـل
          وش حيلتي غير الصبر لاصار في الحظ اعوجـاج

          يالله تصبرني على الحــــظ الـردي صبـرا ً جميـل
          والقى مع باب الصبر للضيــــــق مـرواح وخـراج

          ياحظي اللي ماعطـــــــا حتى مـع اصحابـي بخيـل
          لو للحظــــوظ محــــــاكمه بطلب تظلـــم واحتجـاج

          يعثر جواد الحــــــــــظ لامني بغيـت اكسـب عميل
          الطيب في هـــــــذا الزمن صنعه تباع فـي الحـراج

          وين الصديق اللي في الشــــــده معك جنب ٍ يشيـل
          ماهو صديق المصلحه ذا نيتــــــــــه فيهـا اندمـاج

          انا احمد الله في سعه عــــــايـش وخيـر الله جزيـل
          الله يكون بعون من للنــــــــــــــاس حـده الاحتيـاج

          بعض البشر فرقـــــــــــــــاه عيد ورفقته همن ثقيل
          قلبه تملى بالحســــــــــــد وينــاظرك من برج عاج

          والحقد لا كشــر بنيبــــــانه من الوجـــــــــه الرذيل
          ما يلـــــــــدغ المؤمن وفي قلبه من التقوى سراج

          ارفع مقــــام النفس وابعـــدها عن القـول الهزيـل
          لين النفوس الواقــــــــده من نارهـا جانـي عجـاج

          لا صار مالي قـدر رغـــــــم اللي فعلته مـن جميـل
          برحل مع ذيك الصقــــــــور اللي لها العليـا نهـاج

          بسرج خيولي عن ديـــار اهل الحَسَد حان الرحيل
          لا ضاق صدري في مكان الله خلق سبــــع ٍ فجاج

          والحيّـــه اللـي سمّهـا يلـــــــــدغ بنيبـــــان ٍ وذيـل
          زمّر لها المتلونيـن وصــــــــارت الدعـوه سمـاج

          اللي مع النـــــــاس إمّعَه بين العـرب مثـل الخبيـل
          يراجم النـــاس بحجـــــــــر والمشكله بيتـه زجـاج

          بعض البشر طبعه ردي والطبــــــع يغلب كل حيـل
          ما يدري ان الذيب مــــــا قد هاب من ضبح النعاج

          واللي بلا منعه وجـــــــــاني يعترض حـد الصميـل
          لا يحسب ان الســــــــالفه ضحكه مع فلـة حجـاج

          ابدي بوجهي في الضحــــــى ماني بفـ الظلما ذليل
          وانهل من العد القــــــراح وعد غيري مـن همـاج

          ما ابحث عن الشهـــــــــره ولادورّتهـا والله وكيـل
          جملة هجوســـــن تزدحم والشعر للشاعـر مـزاج

          واللي بنفسه غيض جعـــــله دوم في غيضه كليـل
          لا ني محسّب للرخــــــــــــوم ولا محسّـب للدجـاج

          من كان في قلبه مرض يكشف على القلب العليل
          لن القـــلوب الفـــــاسـده تحتـاج فعـــــــلا للعـلاج


          عبدالله الشغيبي



          .

          تعليق


          • #35
            .

            هجاء ساخر

            محشوم يا فارس هزم كل ميدان
            يا راغب الدنيا ويا زاهد الدين

            يا اللي فعولك للبشر خير برهان
            من غير مدح ..الناس بالشيخ دارين

            شيخ المشايخ شيخ من نسل شيخان
            إلا سليل المجـد واهلك سلاطين

            لو في العرب مثلك جهابذ وفرسان
            يا شيخ يمدينـا نحرر فلسطين

            عليك ماني شايل ٍ هم الازمان
            خوفي عليك من الحسد والحسودين

            اعوّذك وارقيك من شر الاعيان
            الله يزيح ابليس ويغط ما يشين

            انت الشجيع وعنتره معك ما بان
            وانت الكريم و ما انخلق مثلك اثنين

            عند اللقا ما هاب قلبك ولا لان
            ولا سبق وانحشت مثل النساوين

            انت الحشيم اللي كلامه بميزان
            صادق ولا للكذب عندك دواوين

            وانت الوفي ما فيك عيب ٍ ونقصان
            .ملاك طاهر في عيـون المحبين

            قلبك نظيف وما حوى خبث واضغان
            طيّب وخيّر والفعـايل براهين

            ما انت بخبيث ولا منافق ومرضان
            ولا معك نيه ولا معك وجهين

            ولا انت مثل الديك من غير جنحان
            وده يطير وما لقا له جناحين

            ولا حسيل مجمعن حوش حسلان
            ولا خبيل ويحسب الناس خبلين

            خلوق في وجهك من الحشمه الوان
            ولا عليـك من الخساسه تلاوين

            ولا انت مثل الكلب تنبح وسعران
            ما تسكت الا لا رجمنـا بعظمين

            ياشيخ ما يوجد مثيلك ولا كان
            يا معجزه تشغل عقول الملايين



            عبدالله الشغيبي



            .

            تعليق


            • #36
              .



              يا بنت ربي يسعد ك دايم الدوم
              ويديم بهجة خاطرك وانشراحك

              ويجنبك درب المشاريه واللوم
              ويسمّح افكارك ويكتب صلاحك

              الوقت في صدره حكايات وعلوم
              فيها عبر ودروس تضمن نجاحك

              شدي زمام النفس وابليس مخزوم
              وارقي على الحشمه ورفي جناحك

              النفس تطرب للهوى لحن ونغوم
              اما نهيت ِ النفس والا استباحك

              في الدين راحة وانشدي كل مهموم
              تلقين من عقب الهموم ارتياحك

              تاج الشرف يابنت غالي ومحشوم
              حذرى .. تلاعب به هبايب رياحك

              الصبر للصابر مسافات وعزوم
              تزيني عقب الصبر في وشاحك

              لو تخفي ايام الصبر رزق مقسوم
              برق الفرج في ليلة السعد لاحك

              لا تخدعك ضحكه ونزوات وحلوم
              ياكم تبادى الشر من سن ضاحك

              اخشى ينوشك بالغدر ناب مسموم
              تطرف له الفرصه بلحظة مزاحك

              يرميك من عقب العشا زاد مذموم
              ولا يفكر في عناك ومطاحك

              من بعدها كلن يعافك من القوم
              واهلك من الفشله تمنى رواحك

              اصحي وصحي غي قلبك من النوم
              من قبل سيف الغدر يثخن جراحك



              عبدالله الشغيبي





              .

              تعليق


              • #37
                .


                ذات ليله كلمت ابنتي 4 سنوات كوني بعيد عنها لظروف العمل
                ولم تعتاد على البعد عني طلبت مني الحضور وهي تبكي بحرقة


                اميرة قلبي الليله -- تحدى عثرة الافصاح
                تقول لي ليه يا بابا تروح ..وصوتها عالي

                تعال البيت مايسوى بدونك كن فيه اشباح
                تعال اعطيك دبدوبي وكراسي وجوالي

                تحايلني تعاتبني ..تحارب والدموع سلاح
                يسلطنها الغلا وتزيد في همي وغربالي

                بكت من لوعة الفرقا..وموتي دمعها لا ساح
                تشرع باب عبرات العيون ..وتقصر احبالي

                معودها على الطلعه ولا فكرت في الارباح
                انا مؤمن بان الربح لحظة تسعد اعيالي

                اصبرها على الفرقى وانا ماني لها مرتاح
                ظروف الوقت تجبرنا نعيش البعد ونصالي

                ابصبر والقدر سيفه على قطف البشر لماح
                عسى الله يمهل المشتاق يوم يشاهد الغالي

                انا يابـوك شديت الجمل والمشكله لو طـاح
                الا ياكثر طعنات الجمل لو طاح بحمآلي

                تحملت الشقى لجلك ونظرات الحسود رماح
                تري كم حاسدن ترقب عيونه طيحت امالي


                عبدالله الشغيبي



                .

                تعليق


                • #38
                  .



                  أحبـك يالمآر وصك حبـــــــك في الحشى مختوم
                  احبــك ضحكه وبسمه ونظـــرة عين جـــــــذابه

                  أحبك يا شذا ورد الخزامى والغـــــــلى مقسوم
                  زهورك عندي ازكى من زهورالكون واطيابه

                  أحبك حيل يابلسم خفــــــوق من الزمن مكلوم
                  وتسوى عندي الدنيـا سمـــــاعي منك يا بابه

                  أحبـــك وادعي الله يحفظــك للي يحبـــــك دوم
                  ويشــــرح خاطــــرك للدين دين الله وكــتـابه

                  غلاك اكبر من اوصافي ومعنى شعري المنظوم
                  تملكني غـــلاك وهـــانت اتعـابي من اسبابه

                  تبثّين الحيـــــاه بخــف ظـلـك ليـن وقـت النوم
                  دلعك ولثغت الســــانك تشـــدّ القــلب لحبابه

                  اردّ من الدوام بصدري الضايق تعب وهموم
                  اجي للبيت وانتي في انتظــاري واقفه ببابه

                  بلهفة شوق نتعانق وتتبـــخر همـــوم اليوم
                  وينسى قلبي المتعب اذا من شـــافك اتعابه


                  عبدالله الشغيبي



                  .

                  تعليق


                  • #39
                    .


                    وين مارحـت تـلقـى لـك صـديـق وعـدو
                    صعـب ترضـي جمـيـع الـنـاس وتـودها

                    يـا طيـور ٍعـلى المــاء بـالـخـفـى وردو
                    عكرت صافي المشـروب مـن وردهــا

                    لو تبـسـم بوجـهـك فــي الـقـفـى غـرّدو
                    ما تـمـيّــز هــزيــل الهرج مـن جـدهـا

                    ان تـقـربت مـنهـم بـالـمــدايــح شــدو
                    مـن يحـب المدايـح ذاق مــن شهـدهـا

                    وان تبعـدت .. وجبتـهـم عليـهـا انـتـدو
                    الـسـنتهم شلافي شــابـيـــن حدهـــــا

                    فـي جهنـم ملوك الـنار كـــم وقّـــــدو
                    وألـسـن الـناس كبـتهــا علـى خـدهـــا

                    ليـتـهـم بـالـنـبي والـصـالحيـن اقـتـدو
                    زمـرة ابليـس طاعت شوره وصـدهـا

                    ابـعـدوا عن غثـاهـم يالصـحاح ابـعـدو
                    الـغنيمـه مـن الامـراض في بـعـدهـا

                    ازرعوا من غروس الطيّبه واحصـدو
                    خلوا اهل الردى في مذهـب لوحدهـا

                    حذر الديــن منهم والعـرب حـــذروا
                    كلـمـة الله فيـهـم صـادق ٍ وعـدهـــا

                    اسـتراحت طيـور الجو والا غــدو
                    ويـن طارت بها الجنحان مـا اردهـا

                    وش تـكون الطيـور تـلجّ والا هَـــدو
                    دامها مـن طيـور الـما فـلا اعدهـــا

                    مـا تهم الـصـقـور الا عسـاها فــدو
                    عينهـا قاع وعـيون الصقر مــدهــا

                    دام الافعـال تجمـل و الجمايـل قــدو
                    مـا على مـن تـجمل لوم من بـعدهـا

                    ابتعد عن غثاهم وراتـحل في هـــدوّ
                    خل بعض الطيور تموت في حقدهـا

                    من يحب الـسلامه شـد شـد الـبــدو
                    لا امحلـت كل ديره لملمـت شـدهـا

                    الحقـايـق تـجلـت والخـوافي بــــدو
                    يـا حبايب شربـنا الـمر مـن يـدهـا


                    عبدالله الشغيبي



                    .

                    تعليق


                    • #40
                      .




                      يقول اللي من الفرقى جرى دمعه على الخدين
                      وقـلـبـه مـن سـنيـن ٍمـاضـيه مـا تنطـفي نـــاره

                      بـنار الـشوق والحـيره عـذاب مـفـارق الغاليـن
                      عذاب الـلي يحب وفـارق المـحـبـوب وديــاره

                      يعيش العمر بالذكرى ويحيى بـالامل عـمـريـن
                      ويسأل طيفه العـــــابر عن الاحــوال اذا زاره

                      يـسايـر وقـتـه الحاضر ويتـنـاسى لهيـب الـبـين
                      ويجـرع مـن كـفـوف الـوقـت بعد الحالي امراره

                      واذا دار الـزمن ياكــم حبـــايـب لـلغـلا نـاسـيـن
                      صواديـف القـدر تلفت شجون القـلـب وانـظـاره

                      كـذا طبـع البشـر بالبعـد واحـداث الزمـن ساليـن
                      جديـد الوقـت يـشـغـل خاطر الولهـان وافـكــاره

                      يـمشيـنا الـقـدر والـحمـد لله بـالـقـدر راضـيــن
                      نـســايـر عصـرنـا ونـعوض الماضي بـحضاره

                      ولكنّ المصـيـبـه في فـراق احبـاب مجتـمـعـيـن
                      معـك تجمعهم العـشره وزاد البـيــت واســواره

                      عجيـب الـيوم يادنيـا نـشوف احبابـنـا بالـعـيــن
                      قرايـب والقـلوب ابـعـاد كـل ٍ يـبـدي انــفـــاره

                      مشـاعر بـارده والا بـهـمّ الـعـيـش مـنـشـغـلين
                      طمع والا جنون الـلي يصيب العقـل واطـواره

                      تـشل افـكارنا الدنيـا تمرجحنـا علـى الحبـلـيـن
                      بامـاني حلم زايـف مـن طردهــا طال مـشواره

                      عجوزن فاتنـه في كل يومن تـظهر بـوجهـيـن
                      تزينهـا لنــا الـشهوه وهـي بالحيــل غــــدااره

                      اذا قلنـا كفــايــه قالت القــادم جديــد وزيـــن
                      تـشوف بكل يوم الـلي تمـنى نفـسـك اظهـاره

                      كفـايـه مانبي زينك كفـانا مـنـك زيـن وشـيـن
                      حدود ك بـالفـرح يومـين والاحـــــزان دواره

                      درسـت بمنهجك كل العـبر والـيوم ماتـقـويـن
                      احارب شهوتـك تاره واصلي واهجرك تــاره

                      تعـلمـت الجــلاده والجـلاده شـيـمـة الناجـيـن
                      تعلمـت الوفـاء لو قيبـل المـعـروف بـا نـكااره

                      وانا حبيـت اسـجلّي حـضـور بالـيـلة الاثنـيــن
                      حضور اللي يغادر مجلـسه والطـيـب تـذكـاره



                      عبدالله الشغيبي




                      .

                      تعليق


                      • #41
                        .



                        حي سيف ٍ بارع الحد مالحقه ثلوم
                        وان بغى يلحم سيوف المعاني سلها

                        يعشق البران والشعر شقره والنظوم
                        لااستوى جو القصايد تخيّر جزلها

                        حين ما كل ٍعلى بحرها يقدر يعوم
                        والدرر ما كل سابح بحر ينزل لها

                        حكمة الخالق في الخلق معطي ومحروم
                        واطيب العربان ترضى بما يكتب لها

                        يا سعيد الناس تحلم ويا كثرالحلوم
                        واخرالمشوار ترجع حلومن كلها

                        والذي قسمه في طيب من خير القسوم
                        ما تفشخر بالمظاهر ونفسه ذلها

                        سعد من ياخذ من الوقت لاوقات اللزوم
                        سجدة ٍ لله في القيض يحمي ظلها

                        قبل ما ياخذ من الوقت شماعة هدوم
                        حد عينه في طريق الصواب ودلها

                        لا خذيت الوقت معذار وذنوبي ركوم
                        بكره استحقر ذنوب ٍ ثقال اشتلها

                        شوف هذا العصر ما عاد له صدر ٍ كتوم
                        الشعوب من الطواغيت تشفي غلها

                        والحروب الطاحنه بين حاكم ومحكوم
                        كل حاكم ينتهي يوم شعبه علها

                        الا ابو متعب حكمنا على طيب السلوم
                        لا انتشت يمناه مثل السحايب هلها


                        عبدالله الشغيبي




                        .

                        تعليق


                        • #42
                          .



                          آهـ ٍ لجهل النفس بل تبت يدي
                          فانا المطيع لظلمها والمعتدي

                          أطلقت نفسي في متاهات الهوى
                          وعدوت عدو الغائر المتمردِ

                          من طيشها تعدو بقفر موحش
                          يغشى مناكبه الظلام السرمدي

                          من أين لي نورٌ يضيءُ طريقها
                          إن لم يشعِ الفجرُ من أمل الغدِ

                          يا ويح نفسس ٍ فـ الهوى قد جبلت
                          على وداد الناعسات السؤدد

                          وما العيون الحوور إلا فتنة
                          وما الهوى إلا حيـاة النكدِ

                          أعوامها تمضي وأمضي تائهًا
                          فإذا انتهيت أعود فيما أبتدي

                          وظللت مابين الأماني حائرا
                          أرجو تباشيرالبشير المرشدِ

                          فخطمت نفسي واقتبست لظلمتي
                          من شعلة المختار نورالمهتدي

                          وعلمت أن النفس لا أمر لها
                          إن لم تكبلها تهيم وتمتدي

                          رحماك ياملك الملوك فإنني
                          حمّلت نفسي بالذنوب الحشّدِ

                          يارب جئتك والدموع سحايب
                          تهمو وتشكو للإله الأوحـدِ

                          أرجوك عفوك فالذنوب كبيرة
                          تقتات من كبدي وتؤرّق مرقدي

                          فأنا الفقيرأتيت بابك سائلا
                          إذ أنت يارباه تعلم مقصدي


                          عبدالله الشغيبي



                          .

                          تعليق


                          • #43
                            .




                            عرضه جنوبيه ( مسيرة في جبل تهوي )


                            البـــــــ عبدالله الشغيبي ( بدون قيود ) ــــــدع


                            من يناظر جبل تهوي حلف ما مثــــــــل تهوي جبـل

                            لا جبال السـراه ولا تهــــامـه ولا يوجــــــــد مثيلـه

                            في ارتفاعه وفي عزة شموخـه فـلا شفنــــا مثيـل

                            الصفي كل جلمــــود ٍ كما الضــلـع مبنيـه بحكمـه

                            فوق بعض ٍ بناها مبــــدع الكون في منظر عظيـم

                            قرت الارض به والراس تكسيه مرزوم السحايب

                            كم جبــــال ٍ تقازم جنب تهوي ليـا نـاش السحـاب

                            ان رعد راعد ن نسمع دويه ونلفت صوب تهوي

                            وان برق بارق ٍ شفناه في راس تهــوي لا بـرق

                            والعـــلاقه حميمه بيـن تهـوي ومنـدوب الرفايـا

                            مثل ما الود يجمــــــع بينـه وبيـن همـال الغيـوم

                            وان ترازم على تهوي وغطّأه مكنـون المخيلـه

                            انحـــدر سيله الجــارف ومـا فـي طريقـه شلهـا

                            في جنوبه شغيب القف تعدي كما عـدي الذيابـه

                            وا شغيب الضمو ونعم تعادى كما عـدي النمور

                            وال غيه مع الرهوه كما ذا في الملحا صميـدي

                            ونّعم يا اسود ٍ ضـــاريـه فـي مواقـفهـا صمـود

                            واهل خاط السيوف البــارعه كل حد ٍ تحـتـمـيـه

                            كلهم حول تهـوي يعشقــونـه ويعشـق ساكنينـه

                            من خطورته ما يصمد على العيش فيه الا سبـاع

                            علموا ذا جهل تهوي بعـزة شموخـه وارتفاعـه

                            وانه الرمـز للجغــرافيــــا فـي جنـوب المملـكـه



                            .



                            الــــــــــــــــــــــــــ ابو مــلاذ ــــــــــــــــــــــرد

                            مندم اللي على فعل المراجل تعنت منجــــــــبل

                            يوم يسمع لقول الخاين أويترك الهرجه المثيله

                            ليت وأنه تخير له من القول والشــــان المثيل

                            لايحرم ولايحلل ولايصــــــــــدر أفتائه وحكمه

                            كيف يبغى يريق الدم من نفس هي لحم وعظيم

                            جَمع أصغار سن لوكر لرهاب يسحبهم سحايب

                            كم غشيم لدرب الحق كاره ودرب أبليس حاب

                            عذرهم يدّعون أصـــلاح وقلوبهم للكفر تهوي

                            ليت من طاش به فكره يعـــود نزيه القلب رق

                            قبل لايروح عمره وفق ماهي جنت كفه رفايا

                            سعد من هو بدا صفحه جديده لعمره ولغى يوم

                            أرجعي يانفوس لشرع ربي وعلمه ورضخي له

                            دام حكم السعودي من كتــــابه وهو عرش ٍ لها

                            والحذر من سموم الفكر لاهي غدت به في أنذيابه

                            ثم تعوّد سهــــــــام الغدر لرض ٍ رقت بعلى النمور

                            أرض مكه وطيبه حن جيوش ٍ لها وقت الصميدي

                            راية الدين بيد أبطالنـــــــــــا ترتفع فوق الصمود

                            والنعم ياغروس الأرض يالبـــذره اللي تحت ميه
                            عاش من هو سقاك العز يادارنا وأنســـاك أنينه

                            لويدوس العدو شبر ٍ من أرضك فله ينداس باع

                            كلمة قلتها مرجي وراها مصـــــــالح وأنتفاعه

                            والله لفديك يادار السعــــــودي بأ غالي مملكه



                            .

                            تعليق


                            • #44
                              .


                              اسرائيلي حاط رجله على صدر طفله فلسطينيه عمرها لا يتجاوز 5 سنوات
                              وموجه الرشاش على راسها وهي مستلقيه على الارض الصوره مؤثره جدا



                              عسى الله ينصــرها ويلعنـك طـول الدهر
                              ومن ضيـقه ال ضيـقه ومن نكـبه لنكـبه

                              عسى رجلك اللي دست فيها عفاف الطهر
                              يجيـها الشـــلل والا من الســاق منقبه

                              وعسى الله يسلط من بقلبه يشيط القهر
                              وبيده كلاشنـــكـــوف بالنـــار مشتـبه

                              تصووبكـ طلقه تعـبر من الصـدر للظهر
                              تهلهــل سنونك هل من قــوة الضربه



                              عبدالله الشغيبي



                              .

                              تعليق


                              • #45
                                .



                                اللي بسؤ الظن في الناس يرجم
                                بيته زجاج ويرجم الناس صعبه

                                متسرع ٍ في الحكم يحكم ويظلم
                                مدري غبي والا الـذكـا ما يحبه

                                اشفق عليــه ولا بغيت اتكللم
                                لكن ضروري للزمـان ايتنبه

                                ما هو على كتف الرجال يتهندم
                                يبغى بها مدحه وجت له مسبه

                                تعب على الكذبه وخزبع ولملم
                                الله . يـا قلله ويا كــثر كــذبه

                                بعض القضايا ما تجي بيد مسلم
                                يحكم بحكم الشرع ويخاف ربه

                                واللي بلا حجه على النـاس يحكم
                                الله وكيــل الناس والذنب ذنبــه


                                عبدالله الشغيبي



                                .

                                تعليق

                                يعمل...
                                X