• تم تحويل المنتديات للتصفح فقط

إعـــــــلان

تقليص
لا يوجد إعلان حتى الآن.

الا ليت الزمــــــــــــــــــــان يعــــــــود يومــــاً .

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    .


    عن كـلام الصـدق لا مانـي بطـارم
    والحقيقـه مـا بيحجبهـا الصـمـوت

    اعذرونـي معـشـر الشـعّـار حـارم
    بعبد الرحمان وادعي فـي القنـوت

    كنت معكم في نزال الشعـر صـارم
    في يمينـي سيـف واقدامـي ثبـوت

    لا بـدى مشوارهـا والـجـو ضــارم
    مــا يـفـوز الا شديـديـن الـبـخـوت

    المحـارب فـي نزالـه خصـم غـارم
    واحـدن ضـراب والثـانـي يـشـوت

    من نشدني قلت من وحي المـكارم
    نبني الجزله علـى معنـى وصـوت

    نطرب الجمهور نضّحك كـل دارم
    والمعانـي وقعـهـا وقــع الـمـروت

    كـل شاعـر قلبـه مـن الحـقـد وارم
    حــد مخـلابـه وهـيـجـن بالـبـيـوت

    بعضهم هيضه شبيه السيل عـارم
    والبعـض بـدعـة خـويـه ماتـفـوت

    والبعض راسه لكيف النظم خـآرم
    والذي يجني بهـا امـوال ٍ سحـوت

    تسلب العقل السـويّ الحان هـارم
    يرفـع الاصـوات والعـالـم سـكـوت

    يمـدح اللـي بالوطـى قـدره يـبـارم
    ذا معه منصب وفي لسواق حوت

    وان هجا بيت الكرم يرجع رمـارم
    يصبح اوهن من بيـوت العنكبـوت

    ينظـم ابيـات الغـزل نظـم الـكـوارم
    المقام اغصـان والمشـروب تـوت

    ينصحون الناس وانفسهـم مغـارم
    يعشقون المال واصحاب البشـوت

    يلبسـون الـزور ملبـوس المحـارم
    فـي سبيـل الغايـه الـلـي ماتـمـوت

    مذهب المختار مثل السيف صارم
    وانـحـن الشـعّـار مذهبـنـا شـتـوت

    الا من يحفظ لســـــانه والمحـارم
    ما تعرضها وفــــرضه ما يفــوت


    عبدالله الشغيبي




    .

    تعليق


    • #17
      .



      بسم الله الرحمن مبــــدا الكــــــــلام
      الواحــــد المعبــــــــود رب الانــــام
      واثني الصلاه على النبي والســـلام
      عد السحـــــــــــاب ووابل امزانها

      يالله يامن كلنـــــا في رجـــــــــــــاه
      ياعالم النيات ماشي خفـــــــــــــــاه
      تهدي مراكبنا لدرب النجـــــــــــــاه
      واذهب هموم النفس واحزانـــــها

      البارحه وقّفت راس الطـــــــــــريق
      اشبح وفكري للمسافه طلـــــــــيـق
      واخيل براق الامــــــل له شعــيــق
      ضوّح شمـــــــال الدرب وايمانها

      قمت ابني المعــــنى بيوتن جــزال
      ارقى بها روس الجبال الطـــــوال
      واسبح بفكري في محيـــط الخيال
      ماجيت للهـــــــــــــزله وميدانها

      اشكي همومن فوق صدري ركت
      والنفس من كثر الخطـايا شـــكت
      من خشية الرحـــــمن عيني بكت
      في حزة ٍمكتــــــــــوف شيطانها

      ياللي على الدنيا تجــــــر النـواح
      قلبك من اتعاب الهوى مااستراح
      لو تملك العــالم وعندك جنـــــاح
      ما تقتنع نفســـــــــك وذا شانها

      الجم هوى نفسك وشد الرســـان
      لا تستهين الوقت والوقت حـــان
      بكره لهيب النــــار والا الجنـــان
      واعمالنا بكفـــــــــــوف ميزانها

      في الناس من يسعى ورزقه حلال
      ينحر به الفـــاقه وذل الســــؤال
      ما انغر بالدنيــــا ولا القلب مـال
      قانع ونفسه جـــــــــــوّد عنانها

      وفيه طماع وبخيــل وحســـــود
      ولسان مفلوته باليـــــا قيـــــود
      واللي بتبذيره تعــــدى الحــدود
      ما يحمدالنعمه ولا صـــــــانها

      سبحان من يرزق باليا حسـاب
      والرزق من دل الهدايه وتــاب
      ابرك من الزينات عوج الرقاب
      وابرك من الدنيا وذهبــــانها

      واهل الهوى في كل ديره طفر
      خابو وجيش ابليس منهم ظفر
      حتى السعاده معطــــيتهم ظهر
      دنيا تمرجحهم على احضانها

      اهل الهوى في كل مذهب سوى
      احزاب تمشي في طريق الغوى
      والكـل يبحث عـن طبيب ودوى
      قلوب لكن مالت اغصــــــانها

      يوعدهم الشيطان متعة غــــرور
      على المعاصي والفتن والشرور
      ما يحسب العاصي ليوم النشور
      ولا اعتبر من ناس فاكـفــانها

      يارب حكمك عادل ٍ ما خطــــا
      العفو بيــدك يا كـريم العطــــا
      ابليس بجنـــوده علينا سطـــا
      بدل ذنوب النفس باحســـانها

      والخاتمه مثل البـــدايه نقــــول
      يهل المبادي والرؤى والاصول
      صلوا على المبعوث فينا رسول
      عد اختلاف النــــاس والوانها


      عبدالله الشغيبي




      .

      تعليق


      • #18
        .


        الا يالله المعبـــود ياعـــــالم الاســرار
        عليك اشتكي يا عالمن كل الاحــوالي

        انا البارحه من كثر ما شفت في الاخبار
        جفا النوم عيني والهموم اشغلت بالي

        اشاهد على الشاشه مجازر وقتل صغار
        اشاهد وانا دمعي من الحــزن همالي

        ومن ضمن ما شفته ضحيه من الاحرار
        صغيرن بسنه همّته .. همة رجــــالي

        قضى بايع البسكوت في ساحة الاخطار
        براميل حقدن فجّـــرت جسمة اوصالي

        ولا مقصــده ثروه يضــــاهي بها التجـار
        يكافــح لـرزق اخــوانه وبطـنه الخـــالي

        على وجهه الشاحب ملامح تعب واصرار
        بكف الشقـــــا يتجـــرع المـــر للحـــالي

        ا يــا - بائــع البسكوت يالفـارس المغوار
        سلامي عليــك اشــواق للمنزل العــالي

        عسى منزلك في جنــة ٍ مالــها مقــدار
        تعوضــك ما عايشت من جور و اهــوالي

        تطــوف اللأ آلي وانت من بينهـم مختـار
        تزاهى بسنــدس خضر واستبرقٍ غالي

        تمد النظر وتشوف في جانب اهـل النار
        خبيث ٍ بوسط النــار في عنقه اغــلالي

        وتزهم عليه تقــول مــبروك يا بشــــار
        تجبرت في الدنيا .. وجاك الجــزا تـالي

        تعــذب مع فرعـون في زمــرة الفجــار
        وحنا الفقارى في كنف ربنـــا الـــوالي

        عسى ينصرك يا ســوريا واحــد ٍ جبار
        يعزك ويرفــع رايتـــك بيــد الابطــالي



        عبدالله الشغيبي




        .

        تعليق


        • #19
          .


          يا سعد من يثبت على دين الإســــلام
          مؤمــن بدينــه ملــتزم في شـــــئونة

          ما عـــاد له منهج على درب الاوهام
          باب الهوى صكه وعلى حصونه

          يحرص على وصل القرايب والأرحام
          ويصون عرض الناس لو يرخصونه

          ما يشتري ويبيــــــع في سوق الآثام
          سوق الردى محشـــوم ما هو زبونه

          واذا دعيتـــــه في المواجيب مقـــدام
          تبشر يعـــــزك لا طلبت المعـــــــونه

          الطـــيب خلـفه .. .والتباشير قــــدام
          والناس بافعـــال الشـــرف يمدحونه

          يبين في الشــــــدات وتضيع الأقزام
          لا قـــام ولـد اللاش يفـــــرك جفونه

          مثل الجبل ما حــرركه ريح وانسام
          ما هــــز مشهــاب اللواحظ ركــونه

          ما لد عينه في رعــــابيب الأريـــام
          زاهــد ونفســــه ما تحـب المهـونه

          يصد عنهم صـــد من لبس الاحرام
          من خشية الرحمن فــــاضت عيـونه

          ويا سعد من يثبت على دين الإسلام
          مؤمن بدينه ملــــــــتزم في شئونه



          عبدالله الشغيبي





          .

          تعليق


          • #20
            .



            مع السلامه وانتلاقى على خير
            مع السلامه وادمحو كل زله

            يهل الخبر ما عاد للوضع تاخير
            مليت طول البعد والقلب مله

            حان الرحيل وحثني داعي السير
            القلب للـدار الجنــوبي تولــه

            عقب البطى لا بد ما يرجع الطير
            يرقى السحاب ولا تناسى محله

            بالذات لا هزه من الشوق تأثير
            ينتل قلبه كل ما الشوق تله

            البعد وحشه والمفارق مقادير
            دنيا تفرق بين خلن وخله

            لبيه يادار الوجيه المسافير
            اللي لهم في القلب مبنى وحله

            دار ٍ مرابيعه تسر النواظير
            خضر الروابي شوفها مانمله

            وجبال يشعقها رسول التباشير
            تشمخ لمرزوم السحاب وتصله

            واذا انهمر مزن العيون المهامير
            العين تطرب والخواطر تدله

            يفرح بها السالي ويسلى بها الحير
            وتزيح ضيقات الصدور المعله

            الجو ماطر والحيا في المناشير
            والنفس شرحه..دالهه .. مسفهله

            ريضانها تنبت ورود ونواوير
            وانا عشقت الدار ورده وفله

            دار ٍتغرد في رباها العصافير
            والمزن من عالي سماها تهله

            والمدح مايوفي حقوق المناعير
            اهل الكرم والجود والمدح كله

            اهل البنادق والسيوف البواتير
            نبتر بها عزم الخبيث ونشله

            درع لوطنا في الليال المعاسير
            سقم المعادي في الظروف المخله

            نفدي وطنا بالدمي والدنانير
            ارواحنــا وعيالنــا فدوتن له

            هذا كلام الصدق ما فيه تزوير
            مثبوت والتارخ يحفظ سجله

            ربعي لهم مني تحيه وتقدير
            في مدحهم ما ادور المدح لله

            وانا على حالي هموم وتفاكير
            همن على صدري تثقالت شله

            وحيد والوحده بقلبي مناشير
            تقطع شرايين الخفوق وتعله

            اللي بلا خلان عمره مشاوير
            تلعب به الدنيا على غير دله

            لا بد ما للنفس وقفه وتبصير
            احسب حساب الوقت دقه وجله

            وجمع شتات الوارده والمصادير
            همن يشيب الراس وازريت احله



            عبدالله الشغيبي




            .

            تعليق


            • #21
              .


              من بنات الفكر شهـلا في الدروب المسفهلـه
              ما تجيب الا سمــان الهرج يا شاري سمانـه

              بعتذرها عن هواجيــس الهوى واقفل محلـه
              ودي اسولف عن الاقــلام من بـاب الميانـه

              يارســولي بلغ المرســــول للكــاتـب وقلّـه
              الامانه حمـل كايــــد والله الله فـي الامانـه

              القلم سيف المعــاني في طريـق الخيرسلـه
              لا تجرّح به شعـور الناس في خبث ولعانـه

              قدّس الكلمه وصون اعراضها عن كل زلـه
              واتبع نهج المبشّـر علّّّ شـربك مـن شنانـه

              اسرج المعنى على بيـض المطـايـا لاتعلـه
              كان ودك في سباق المعرفه تكسـب رهانـه

              لو بسطو الحرف من خالف هقاوينـا نذلـه
              كان ما احنـــا مسلميـن ولا نسميهـا ديانـه

              ليت شعري اين من حفظ اللسان ومن يشله
              ما يكبـّـه في جهنم غير كلمـه مـن لسانـه

              في رحاب العلم روض كل كلمـه واستغلـه
              خاب حظ اللي بدرب المعصيه يطلق عنانه

              من يطيع ابليس شله فوق مشرافـن وتلـه
              اكلـه زاد الذنـوب وشـــرّبـه ذل الاهـانـه

              لن بعض الناس في نفسه من الازمان عله
              ان رأيته يكمــل النقصــان من علة زمانه

              امة الاســلام فيهـا منحـرف مكبـوت غلـه
              والرويبض يعطي السائل على الفتوى ضمانه

              كانوا الاقــوى وعــــادوا بعـد قوتهـم اذلـه
              مسلمين اعطاهم الشيطان في الدنيا طمانـه

              لين شتت شملهـم مابين فـرد وبـيـن شلـه
              بعضهم شد الرحال وبعضهم باقـي مكانـه

              امة الاســـلام عذرا ً ما معي لك طب لله
              جيت اسولف عن شبابك بس من باب الميانه


              عبدالله الشغيبي



              .

              تعليق


              • #22
                .


                عوّد الصبر قلبـــك .. طـف نــيرانه
                ما انت باول جريح من الزمن واشي

                صافح الفجر وانسى الليل وشجانه
                خل وجهك بشوش وخــاطرك ناشي

                كم جريح ٍ شكى من قســـوة ازمانه
                غاير الجرح يبرى .. والزمن ماشي

                لا فـقــد صــبره الرجــــال وايمـانه
                ما يصبّر عيــــــونه دمعها الغاشي

                من يجاهد بسيف الصبر وحصانه
                يهزم الهـــم لـين الهــم ينحــاشي

                قلّـة احزان قلبـك .. كثرة احزانه
                ما يهم العذول ..الا رضى الواشي

                لو ترى الوقت تنهش حلمك اسنانه
                ابتسم للمقـدر .. رابـــــط الجاشي

                ارس مثل الجبل .. من قو ضلعانه
                شامخن للسحـاب الغـر . نواشي

                ما حنى الراس ماهز الهوى اركانه
                فوق صدره عتي الريـــح متلاشي

                وانس هم العـــذول وسلطة لسـانه
                حـد الافعــال تجمل موت يالا شي

                الثـقـه خلهــا .. باللـه سبحـــــانه
                واطلب العفو منه بقلبــك الخاشي

                عيش والنفس بالمكتوب رضيانه
                دام كف القـــــدر للناس لطـاشي

                والوفـــاء لا تبخّص كف مـيزانه
                احذر انك تســـاوم فيه غشاشي

                في زمانك تشوف الغــدر بالوانه
                والفـتن ليــــل يكسي كل نباشي

                ابتعد عن طريق ابليس واعوانه
                لا تجر القدم في درب الاوباشي

                والصديق الصدوق الحق بركبانه
                مركب الدين لاهله دز مطراشي

                ذاك يحفظ لك المعروف باحسانه
                وان تكالب عليك الهم حواشي


                عبدالله الشغيبي




                .

                تعليق


                • #23
                  .


                  الله علـى نــاس ٍ تبيت الضغينـه
                  تاكل وتقطــع في قفى الغـافليني

                  في الوجـه تتـنزل عليهــم سكينه
                  واذا حكوا من حـبهــم مـيتـيـنـي

                  انت النظر بالقــرب والا وزينـه
                  وانت الذبيـــح بخنجر الغايبينـي

                  الخبث بثيـــاب النـقـى حايكينـه
                  ويبـين لو رشـوه باليـاسمـيـنـي

                  والغدر في قــدر الوفـا طابخينه
                  اشم ريحه قبـل تنظــره عيـنـي

                  اللي تشـــوف المكرهيـه بعينـه
                  واللي يراوغ كنّه ابو الحصيني

                  اعمت بصايرهم عجوج الغبينه
                  يخفـونهـا مـير المغـطـا يبيـنـي

                  كل ٍترى سيف الغـدر في يمينه
                  لا صـار قلبـك نابهن يالفطينـي

                  ندري بكم يهل الطبوع المشينه
                  والشرع حذر منـكم العالمينـي

                  بان الجواب وقصـدنا عارفينـه
                  ياللي لكم بين العـرب نيتـيـنـي



                  عبدالله الشغيبي



                  .

                  تعليق


                  • #24
                    .



                    قال الهواوي فّل ابوهــا /عيييش والدنيا نعيـم
                    تعــال نحجـز للديــار الســــاحره مثل الشباب

                    قلت المعاصي والفتن قال الخوي ربك رحيم
                    وابشّرك في الدين ماله ذنب من للذنب تـاب

                    قلت المنيّه وش تقول ان جتك ما بين الخميـم
                    قال انت اضنك ملتبس والا في النفس اكتـئاب

                    اطنخ مع روس العرب والليل للعـــاشق نديم
                    وتشوف عينك من نعيــــم الوقت مالذا وطاب

                    احترت ما بين انجذاب النفس والراي السليم
                    النفس تامرني وعقلي من كثير النصح شاب

                    واخترت ارد المشكله للي يفـــــرج كل ضيـم
                    اللي يقدينــا علـى درب الهـــدايه والصواب

                    سبحان من يبسط يـده لمصافح الصدر الكظيم
                    من رحمته يلطف بنا وقت النشايب والصعاب

                    وانجــاني الله من رفيق السوء وابليس الرجيم
                    قررت اصيّف في بلاد الخــــير وابـلادي رحاب

                    وابدا بجوله من ورود الطايف الي ابها السديم
                    افسّح اطفــالي وانا مالي ومال اهــل الخراب

                    سحر الطبيعه يبتسم من روعته والجـو غيـم
                    جو الجنوب الشاعري ازهـار وامطـار وضباب

                    ونزور بيت الله وندعــي بين زمــزم والحطيـم
                    يغفر خطــايانا ويرحــم حالنــــا يوم الحسـاب

                    وارجع واقول المشكله تحتــاج فعـــلا للحكيم
                    يا من تشرع للهوى من ظـلم نفسك كل بـاب

                    تحتاج وقفه صـــادقه وتراجع الذنب القـــديم
                    تغسل خطـايا النفس بدمــوع الندامه والعتاب



                    عبدالله الشغيبي




                    .

                    تعليق


                    • #25
                      .



                      طير ياطير الموده في سمـــــا رزقـــك وغيب
                      تل جنحـــانك وحلــق من على متن الفضــا

                      كل دار ٍ له وليـــف وكــــل قلب ٍ لــه حبيب
                      وكل طير يعــــود لامن لاح بــــراق ونضى

                      لا تضجر من نصيبك كل شي قسمه ونصيب
                      ارض في حكم المقـدر والقـــدر حكــمه قضا

                      ادري انـ قلبك حزين وحابسك جرحن عطيب
                      وادري انـ فرقى وليف الروح نيران ولظى

                      لكن اصعب من فراقه مدت الكـف القطيب
                      لا سطى سيف الحقايق راحت احلامك شظا

                      الجريح مع الـزمن لابــــد ما جــرحه يطيب
                      البـــلا طرفــك عن الماجوب لامنه غضا

                      لا تقــول الحــظ عاثر كلمــــا ترمي يخيب
                      خل في قلبك يقين وخـــل في صبرك رضا

                      جيت للدنيا غريب وتهــجر الدنيـا غريب
                      والحظيظ اللي بدين الله ورضوانه حظى

                      اطلق الجنحان وانسى سيرة الهم الكئيب
                      وابتهــج بالعمر لا تبقى اسير لما مضى



                      عبدالله الشغيبي




                      .

                      تعليق


                      • #26
                        .



                        قمت افكر في السنين الماضيـه
                        يوم مجلسنا فراشه من حصيـر
                        "
                        "
                        ما اشتكينا حر شمـس ٍلاضيـه
                        وما شكينا ضيقة البيت الصغيـر
                        "
                        "
                        نجتمع في العصر با نّفس راضيه
                        فسحت الانفس مع دله عصيّـر
                        "
                        "
                        كل ما قلـت السوالـف قاضيـه
                        جالها واحد من الجلسـه يديـر
                        "
                        "
                        ويوم كل ٍ بالسوالـف خاضيـه
                        والعصر يمضي بنا وقته قصيـر
                        "
                        "
                        قال ابوي امست بلادي حاضيـه
                        لاح براق الحيـا واقبـل بخيـر
                        "
                        "
                        الهجو بالذكر فـي الأ لفاضيـه
                        لا اله الا انت يا الحـي القديـر
                        "
                        "
                        وانحن اذا الجو صدره هاضيـه
                        وامتلا صدره من الرعّـد زفيـر
                        "
                        "
                        والسما شعت بـروق ٍ ناضيـه
                        والرياح الممطره جت بالصريـر
                        "
                        "
                        نهترب وسط البيـوت الفاضيـه
                        لا اثاث في البيـوت ولا حريـر
                        "
                        "
                        ما سكنا في القصـور الواضيـه
                        يكفي الفانوس في الليل الضرير
                        "
                        "
                        نهتـرب والرعـد بالمركاضيـه
                        في السما والبرق للحجره ينيـر
                        "
                        "
                        والعيون من الصواعق غاضيـه
                        والصواعق قصفها قصف ٍ مثيـر
                        "
                        "
                        ساقت القـدره غيــــوم ٍ ..باكيـه
                        وانهمر مزن ٍعلى الديره غزيـر
                        "
                        "
                        وابل ٍ منــــه المبــانـي شــاكيـه
                        هكذا صوت المطر لذنـي يشيـر
                        "
                        "
                        البــــلد يحضـى بمـطـره واكيه
                        والمـطر نعمه وخيـر الله وفيـر
                        "
                        "
                        خفّت من بيـت ٍ جــدوره راكيه
                        في زمان ٍ ما حد يعيـب الفقيـر
                        "
                        "
                        كنت اناظـر لـه وعينـي راجيـه
                        وكل من حـولي عيونـه تستديـر
                        "
                        "
                        صاح ابوي الباب حولـه سافيـه
                        سكّر الفتحات والمـاء لا يحيـر
                        "
                        "
                        قلت حاضـر والثقـوب الخافيـه
                        خل واحد عنـدهـا مثـل الخفيـر
                        "
                        "
                        قال سقف البيـت طيـنـه ظافيـه
                        قد لنا عامـين مـا شفنـا خريـر
                        "
                        "
                        قالـت الكهله بنـيـّــه صــافـيـه
                        امرنا للواحـــد الحــي البصير
                        "
                        "
                        رحمته من قبـل بطـشـه وافيـه
                        والـذي يوثـق بربـه مـا يضيـر
                        "
                        "
                        ضوحنـا فــانـوس نـاره هافيـه
                        ينطفي من نسمة الطفل الغريـر
                        "
                        "
                        المهـم انـا بحــــالـه..طــــاريـه
                        لين يصحى النو والعجمى تسيـر
                        "
                        "
                        لين نخرج بعـد صحـو الرافيـه
                        والطبيعـه كـل مافيــهـا نظــيـر
                        "
                        "
                        نحتري سيـــل الجبــال العاليـه
                        سيلها بعد المطر سيـل ٍ خطيـر
                        "
                        "
                        السواقـي والعـــــقـوم..الواقيه
                        شلها والشبك راح مـع الزبيـر
                        "
                        "
                        والشبـــاب اللـي تفـرج ساليـه
                        كل مـا يكبـر تزايــــد بالصـفيـر
                        "
                        "
                        والجداول في البـراري جــاريـه
                        بعضها في الشعب كوّن لـه غديـر
                        "
                        "
                        نبتهج والارض خضـراء راويـه
                        من يشاهد سحرها يبقـى اسيـر



                        عبدالله الشغيبي




                        .

                        تعليق


                        • #27
                          .



                          انا مـريـت قـســـــــــم الشـعـر بس اطالعه واقــراه
                          ولا فــي خـاطـري نـظـم القصـيـد ولا عـلـى بـالــي

                          قريت وفي عيــــون الشعـــر بيتن عــــاد لي ذكـراه
                          طـرى لـي قــايــد اريــــام الــفــلا والــقــد مـيـالــي

                          وانـا احلـق علـى متـن الخيـــــال اليـا حـد ٍ طــراه
                          واذا شفـت القصـيـد الـعـذب ذاك الـريـم يطـرالـي

                          مـدام اهـل الشـعـر كـلـن يغـنـي لــي عـلـى لـيـلاه
                          عــلى مـوالـكم يــهـل الــهــوى جــريـــت مــوالـي

                          بديت اكتب قصيـــــدة حــــــب تحكـي عـن الـم فرقـاه
                          اعـبـر عــن شـعوري واشـتــــــكي هـمي لغـربـالـي

                          ولـكـنـي تـذكــرت الـحـلـوف وقـــد حـلـفـت انــســاه
                          ولا يــنــقــض يـمـيــنــه لا حـــلــف بالله رجـــالــــي

                          عـدلّ جنـح الخيـال المعتــــــلـي يـوم الكريـم اعطـاه
                          وغـيّــر بـــث مـوجـاتـه مـــن الـمـضـمـون لـلـتـالـي

                          وانا ما ني بشـــــــاعر يصعـب المعنـى علـى مبنـاه
                          لـيــا مـنــي بـغـيـت اشـــد مـبـنـى قـصــري الـعـالـي

                          اعـد مـن العـدود الصادقـه والشـهـد مــن مجـنـاه
                          واقـدم للضـيـوف مــن المنـاحـل شهـدهـا الحـالـي

                          نساوم في النجوب اما هزيل السوق ما سمنـاه
                          نبيـع ونشـتـري يــا تـاجـر الاســواق فــي الغـالـي

                          من الحكمه ليـــا شـــفـنـا قليـــل العــرف واجتزناه
                          على ما قـيـل نبعـــــد عن طــريق الشــــر ونــلالي

                          واذا جــت للتـحـدي والعـنَـد كـــم فـــارس اوقـفـنـاه
                          تـنـشـد عـنــي الـمـيـدان يـــا مـــن كــــذب اقــوالــي

                          يجملـنـي رفـيـق الــدرب عـنــد المـوجـبـات الـقــاه
                          عـلاقـتـنــا الـقــويــه مـا شـريـنــاهــا بــالامــوالــي

                          تهقـويـتـه بـيــوم يحـطـنـي فـــارس عــلــى يـمـنــاه
                          يشرعـنـي بـحـور ٍ واسـعـه وارقــى بـــه جـبـالـي

                          واذا شديـت متنـه بالحكـم ومـن الجـزيـل اسـمـاه
                          ولا طـاوعـت ذم ٍ الـجـاهـل الـلــي بـــه تـعـدوالـي

                          كسبتـه فـي يمينـي سـيـف بوجـيـه الـعـدو مـغـزاه
                          يعـز ابـنـي شـهـر فــي الـلازمـه ويــذل الانـذالـي



                          عبدالله الشغيبي




                          .

                          تعليق


                          • #28
                            .


                            حاصر الهم صدري . تم تطــوويقه
                            من جميع الجهـــات يمين وشمالي

                            صـــاد قلبي وخمه من معــاليقه
                            وانشوى كنه الكبده على الصالي

                            لمني حزن / واستصعبت تفريقه
                            حدني ظرف / واستبـشـره عذالي

                            كل حلمـــن / تبخر قبـــل تحقيقه
                            وكل حظــن / هقيته يعتــدل مالي

                            ما يزاح الظــــلام الا بتشـــــريقه
                            وما تنال الصــعاب الا بالافعـــالي

                            ما لنا الا الصـــبر نلعـق ملاعيقه
                            نجرع المر لين يجي لنا الحـــالي

                            اشبع الوقت جـلدي من مطاريقه
                            وانا اقول الجمل سمحان واشتالي

                            بعــدما كنت في راحــــه وترويقه
                            بيرق الحظ طــــاح ..وخيب امالي

                            ودام حبـــل الرجــــاء بالله توثيقه
                            ما يخيب الرجاء في ربنـــا الوالي

                            احمد ه في السعه واحمده فالضيقه
                            واحمده واشكــره في كل الاحوالي



                            عبدالله الشغيبي




                            .

                            تعليق


                            • #29
                              .


                              يا مرحبــــــــا باللي جمع ميزتيني
                              طلت سهيل وفزة الطير قرنــــاس

                              الشعر فــــي حضرة جنابك يزيني
                              ويصير للقيفان هيبه ونومــــــاس

                              والهاجـــــس اللي بالغلا يهتويني
                              بنظم عقوده من زمرّد وللمــــاس

                              واهديه للغـــــــالين عقـدن ثميني
                              ماهي هدايا اهل النمك والتمحلاس

                              اللي لهــــــم بين العــرب نيتيني
                              واللي لهم وجهين في كل مجلاس

                              ناسن بوســط المجتـمع عايشيني
                              تنهش لحوم الناس بنياب واضراس

                              تلقى بهـــم يا صــاحبي خصلتيني
                              داء النـفـاق في الاحاديث وانجـاس

                              والا انت محشـوم ٍ وقــدرك بعيني
                              مثل الجبل في وقفته شـامخ الراس


                              عبدالله الشغيبي



                              .

                              تعليق


                              • #30
                                (احلام جندي)


                                احـلام ورديـه وامـــــــــــانـي غـلابـه
                                غرد بها من هـــــاجس الفكـر عصفـور

                                بنيـت لـي منهـا قصـــــــــــور ٍ تشابـه
                                ما مثـلهـا شـــيّـــد ولا بنيـــــت اقصـور

                                احيـان تهـد ينـي لقصـــــر الخطـــابـه
                                واحيان تجنـــــح بي على قصـر دكتـور

                                باب الامل للنفـس مـا انصــــــــك بابـه
                                مادام شمـس المعـــرفـه للامــــــل نـور

                                ثـوب المعــــالـي كـل حلـــــــم ٍ زهابـه
                                وانا مع الاحـــــــــلام عايـش ومسـرور

                                اليـوم يـا دنيــــــــــــا العنـا والغـرابـه
                                الحلم مـات وتحـت الاقـــــــدام مقبـور

                                قتلـه واقـــــــع مجتــمـع حــد نـــابــه
                                هـدّم قواعــــــــد مابنيتـه مـن الــــدور

                                هـذا زمـــــــــان القبيــلـه والعصـابـه
                                والواسطـه يافــــــلان تلعـب ميـة دور

                                مـرت ثـــلاث اعـــــوام هـــم وكـآبـه
                                واللي يمر بحــــالتـي شخـص معـذور

                                قلـت آآآ توظـف مثــــل كـل النـجــابـه
                                في العســـــكريه واتـزوج علـى الفـور

                                واســــــاعـد الشايـب واخفـف عـذابـه
                                احسن يضيـــع العمر عاطـل ومقهـور

                                حكم القــــــدر يفـرض علينـا صوابـه
                                فـي صفحـة الايــــــــــام للعبـد سيّـور

                                قالـوا تـرى كـل ٍ يـــــــلاقـي عقـابـه
                                في العســـكريه وانت عبـد ٍ و مامـور

                                والـرأي مالـك رأي تـــــم اغتصـابـه
                                تمشي على ما قيــــل يالـــوح مجبور

                                واعلم تـرى الضـــابـط يقـدس جنابـه
                                اعطه تحيـــه وانت ســـاكت ومحقور

                                اعطوه سيــــف علـى الاوادم سطابـه
                                يسطي لو انه بــــاول الوقـت معقـور

                                راتـب وسيــــــاره نـظـام اعـتــنـابـه
                                وانت الضعيف اللي على الشوك مجرور

                                تلبس من اصنـــــاف المذلـه عصابـه
                                واحذر تقــول انك من الغـبـن مضـرور

                                والا تكمـل فـي جـــــــزاك وتجــــابـه
                                مـن قبـل لا كــل ٍ يجــــازيـك بالـدور

                                هـذا خطـر يمنـــع عليـــــك اقتـرابـه
                                .رفع التكلّف فـي القــوانيـن محضـور

                                ان لـم تكـن ذيبـــــا ً كلتـــــك الذيابـه
                                غمض عيونك بالنـــظـر خلهـا عـور

                                كلمّت ابــوي وقلـت مــا ينحـكا بـه
                                واقبل يناصحـني ..وانـا اسمعـه بسرور

                                قـال الـــذي بالـعــلـم يفنـي شبـابـه
                                يتعب وبعد الجهــد محصـولـه تمـور

                                كـل ٍ علـى قـده يـفـصــل ثيـــابــه
                                واهم شي لك ثــوب والحال مستـور

                                قلـت الثـواب ؟ ..وقـال كـل ٍ ثـوابـه
                                الراتب اللـي قبــل يوصـلـك منثـور

                                يا ناس هـذا الـظـلم ماحـد ٍ رضابـه
                                .والله نهى عـن ظلم الانسـان والجـور

                                قانـون هتــلر فـي الجزيـره طغـــابـه
                                والكل يدري عنـه ظـــالـم ومسعـور

                                هذا مقــــدّر واحمــد اللي قضــا به
                                لابد نصـبر دامـه الوضـــــع مقدور

                                امـا الضـويبـط مـا حسبـنـا حسابـه
                                لو مد عينه عــوّد الشــوف مكسـور

                                والراس شامخ فــوق هــام السحابـه
                                واللي يخــاف الله موفـق ومنصـور

                                اعشق وطنـــــا حيـــل واعشـق ترابـه
                                وارخص حياتي لجــل ديـره ودستــور



                                عبدالله الشغيبي





                                .

                                تعليق

                                يعمل...
                                X