• تم تحويل المنتديات للتصفح فقط

إعـــــــلان

تقليص
لا يوجد إعلان حتى الآن.

ناري مشعومة ودلالي مقنودة واقلط وعلمنا وين رحت -سافرت-ويش صدت من صيود

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ناري مشعومة ودلالي مقنودة واقلط وعلمنا وين رحت -سافرت-ويش صدت من صيود

    بما إن ناري مشبوبة وبجالها دلال الكيف والسمين يحتريك وتقلط وحياك حياك والله يحييك

    في ذا الملفى وهات علومك زانت علومك وين كشت وينها رحلاتك ووين سافرت وويش صدت من صيود

    وعالي ياربعي كشت

    وأكثر مكاشيته في الشرقية وخاصة على خط الرياض والفردانية وهجرة أم النصبيا ووجد خير وربيع

    وعروق ماشا الله تبارك الله

    والنعيرية والسعيرة والحفر وكانت قبل سنوات يهلها الناوي وتفرش زهور وحوه وخزامه وحوذان

    وقيحوان ورقروق وهذا ينبت بجال الفقع جعل نواظركم تسلم من الفقع وزهور وزهور الله يعيد يومها

    وعند رحلته هذي مايفوت الجربعة والضببة ومرة ذبحت الضب وحزيت راسه لين مامر عليه دقيقتين

    ثلاث وألوح إصبعي على فم الضب المذبوح إلا ويقضمه وياويلي ويلي لين ما إفتكيت منه إلا بسكين

    ويهبق عالي صوب ديرته في الإجازات وإلى سمعوا الشيبان بطرياه أغتثوا ههههههه

    إي والله إني أغثهم بالاسئلة ويش اسم الشجرة تيه والشجرة تيه والجبل هذا والوادي ذاك

    أسالهم لين أحصل بمخزون يكفيني عن الفطور والغدا والعشا وقد صدت لي شرافي ( أرانب )

    في خوارم ظهرة دلوة وحجول (وقطاوي )

    وفي الدمام حيث مسقط راسه قد صاد والحمدلله بالنبيلة إللي معه عصافير وحمام الجيران

    وماغير يدعون عليه __ الله يهبها في وجهه ___ لاني كنت اكسر درايشهم وبعض الطيور توقع

    في بيت الجيران ويعودون ويصيرون في دعوات ومباركات له __ يارب تعافي وتحفظ لنا عالي ___

    ورب ضارة نافعة أصيد وأكسر درايشهم وتوقع في دارهم ويرجح ميزان الدعوة لحسابي بسبب إني

    وفرت عليهم الدجاج ومصاريفه ___ وكان العلم هذا بأيام الصبا وليت الصبا يريوس يوما وأعلمه بما
    خط الشبوب .

    وكنت مرة بخيمتي وبالليل إلا والكلب قرب عندنا وينهلون الصغار عليه بالرمي بالحجر والعصي

    والمطاردات ووالله وارمقه وعرفت من تهاياه إنه مهوب اي كلب تدرون ؟

    ويش طلع !!!

    سلق .

    ووالله فرعت الصغار وأصيتهم وأقبل علاه بخبرتي وأربطه مثل مااربط العنز لا قاوم ولا ولا

    ربي ساقه لي عسى ربي يقديني فيه وأصيد به .

    ومرة كنت في بر الظهران ويسوق لي ربي ذيك الحصنية وأبيعها على حديقة الحيوانات بقيمة طيبة



    وانا ماودي اقطع كلامكم وأنتم تتمون بعلومكم الغانمة وبيض الله وجه كل من يتم ويسولف
    التعديل الأخير تم بواسطة مسامر البرق; الساعة Mar-22-2010, 03:30 PM.

  • #2
    /

    /

    أخي عالي / فضلاً لا أمراً تغير خطّك ..!؟

    لاتعمينا وانا خوك

    تعليق


    • #3
      شفني كبرته ووسعته جعل صدرك يتوسع

      تعليق


      • #4
        /

        /

        الله مير يحييك ياعالي وعلومك العالية الغانمة السالمة

        ذكرتني وانا خوك وان بأيام الحفر ذيك الايام الجميلة

        ايه ياعالي /

        وبارض الحفر وايامه ترك ناس قروم خيار ... على فرقى مطالعهم فقدت ايامنا السبعة
        اعيش اليوم ذكراهم وكني من كوته النار ... احاول كتم ماجاني ولكن علّمت دمعة

        تصدق ياعالي / أحس البر له نكهة جميلة لايعرفها إلا ّ من جربها , وخاصةً تلك البراري

        التي تزدان بالخضرة وقت الربيع ..!!!

        أخيرا ً /

        كتبت ارسلت ياهل الحفر من قلبي لكم تذكار ... واقول اللي نسي ربعه عسى ماتجمعه جُمعة

        تعليق


        • #5
          حياك وحيا علمك صايد وفايد

          لكن ودي تكفى أن حطيته في منتدى الرحلات
          ودي اسولف معك لكن من بيفكنا من كتّاب المنتدى العام ومثقفينه
          العبيد فقط يطالبون بالحرية
          والأحرار يصنعونها !!

          @arlm4

          تعليق


          • #6
            المشاركة الأصلية بواسطة الحســــــاس مشاهدة المشاركة
            /

            /

            الله مير يحييك ياعالي وعلومك العالية الغانمة السالمة

            ذكرتني وانا خوك وان بأيام الحفر ذيك الايام الجميلة

            ايه ياعالي /

            وبارض الحفر وايامه ترك ناس قروم خيار ... على فرقى مطالعهم فقدت ايامنا السبعة
            اعيش اليوم ذكراهم وكني من كوته النار ... احاول كتم ماجاني ولكن علّمت دمعة



            تصدق ياعالي / أحس البر له نكهة جميلة لايعرفها إلا ّ من جربها , وخاصةً تلك البراري

            التي تزدان بالخضرة وقت الربيع ..!!!

            أخيرا ً /

            كتبت ارسلت ياهل الحفر من قلبي لكم تذكار ... واقول اللي نسي ربعه عسى ماتجمعه جُمعة
            ياخوي لا تكتم علمك وسالفك لا تخليه يشد وراك

            حل حل في صلب الموضوع وعطنا رحلاتك بالحفر وغيرها جمل الضيوف عساك مجمل وعطهم عطهم

            تعليق


            • #7
              المشاركة الأصلية بواسطة مانديلا مشاهدة المشاركة
              حياك وحيا علمك صايد وفايد

              لكن ودي تكفى أن حطيته في منتدى الرحلات
              ودي اسولف معك لكن من بيفكنا من كتّاب المنتدى العام ومثقفينه


              منتدى الرحلات للصور مهوب للسالفة ياخوي مانديلا

              سولف ويش صار لك وين رحلاتك داخل وخارج السعودية سولف جعلك بالجنة علمنا واتحفنا مثل ماسولف عالي





              وبيني وبينك لا تعلم احد
              ///////////////////////////////////////
              ويش علاك من المشرفين ياشنب سالفة وصلى الله وسلم
              هههههههههه
              //////////////////////////////////////

              إلى المشرفين :::::::::

              كن حسي يقول ان الموضوع بينقل لجهة مجهولة وان شا الله مايصير

              التعديل الأخير تم بواسطة مسامر البرق; الساعة Mar-22-2010, 08:54 AM.

              تعليق


              • #8
                أفا قلطتوا ولا من سالفة يونسون بها الضيوف

                يعني تبغون أسمي وأرسل بطاقة دعوة لبعض الأشخاص

                العم يرين عيسى وربعه لكم بطاقة دعوة ونستضيفك ومن معك راعين بر وكشتات سولفوا لضيوفكم وعلموهم
                وكذلك سلطان الحب

                كذلك الأخ اللي أخجلني كثيرا عاشق الود لك بطاقة دعوة

                الأخ النمر السروي

                الأخ ابو ربى

                الأخ شيخ الشيوخ

                الأخ فتى السراة

                الأخ النمر السروي

                الأخ احمد بن عجراف

                الأخ شامخ بتواضع

                واللي مهوب قالط عذره معه

                والأخوان اللي ماذكرت إسمه أكيد عندكم سوالف وعلوم ولا فيكم قصور واقلطوا والنار حية
                التعديل الأخير تم بواسطة مسامر البرق; الساعة Mar-22-2010, 02:45 PM.

                تعليق


                • #9
                  [align=center]رائع دائما أيها العالي

                  مكانه المناسب في منتدى الرحلات

                  لك التحية وافية
                  [/align]

                  تعليق


                  • #10
                    إحساس راودني وقالي انه بينقل وصار لكن ما بيدي حيلة يالحصن وبيض الله وجهك وعساك ع القوة

                    تعليق


                    • #11


                      الأخ الغالي عالي العماري

                      السلام عليكم ورحمة الله وبركاته

                      وجعلك دايم على القوة

                      بلغتنا دعوتك ولفيناكم مسلمين ومجملين بصاحبنا وخوينا

                      ومتابع لإبداعاتك في جنبات المنتدى

                      وكما لاحظت أنا صاحب بر ومكشات وصيد
                      وأتمنى منك أن تتحفنا ببعض الصور من خلال جولاتك
                      فالبصورة يكمل المقال

                      لك كل التقدير
                      ونستأذنك ونتترك في حفظ الله

                      تعليق


                      • #12
                        هلاومرحبابك يانديم الفرح

                        محاكيك لا طلع وكشت مايهتم بالصور مع اني ألوم نفسي في هذا وأكثر مااهتم بالعلوم والاخبار والسالفة الجزلة وعرفت وين احط الموضوع قبل ماينقل لانه ماش الصور

                        مع اني اعترف ان الصورة تعبر اكثر لاكن ماشي خلاف الاخوان فيهم الخير والبركة ان شاالله

                        وهذا الموضوع أنا اعتبره مثل التصوير

                        / / / / /

                        هرجوا ياخوان عن مكاشيتكم ورحلاتكم وان كان في شي من الصور فابرك ابرك وحياكم الله في ملفاكم
                        التعديل الأخير تم بواسطة مسامر البرق; الساعة Mar-22-2010, 04:10 PM.

                        تعليق


                        • #13
                          المشاركة الأصلية بواسطة نديم الروح مشاهدة المشاركة


                          الأخ الغالي عالي العماري

                          السلام عليكم ورحمة الله وبركاته

                          وجعلك دايم على القوة

                          بلغتنا دعوتك ولفيناكم مسلمين ومجملين بصاحبنا وخوينا

                          ومتابع لإبداعاتك في جنبات المنتدى

                          وكما لاحظت أنا صاحب بر ومكشات وصيد
                          وأتمنى منك أن تتحفنا ببعض الصور من خلال جولاتك
                          فالبصورة يكمل المقال

                          لك كل التقدير
                          ونستأذنك ونتترك في حفظ الله

                          عشانك والله يانديم الروح أبستخرج لكم صور مع اني والله عليمي في تنزيلها ماني حول الصور يانديم

                          لكن ابشر ماارد طلبك لكن وين الخبير اللي يساعدني يعني انتظر شهر شهرين وربما اقل او اكثر ماندري حسب الظروف ولكن

                          على الله على الله توكلت ونعم بالله

                          بس ياخوي ودي اقول لك اكثر صوري عن البل تبونها وابتاعها لكم والا ويش علمكم

                          وفيه صور عن بلاد عمارة والله يقديني واظهرها وتبغون اظهر لكم خشتي بس اخاف يجيكم خرعة ههههههههه

                          ماطلبت شي ياخوي نديم جعل الفرح فالك

                          تعليق


                          • #14
                            الحساس

                            مانديلا

                            الحصن

                            نديم الروح

                            بارك الله فيكم وبارك الله في تعليقكم على الموضوع

                            وصاحب أي موضوع ينفقع قلبه حينما يحلون عليه الضيوف ولا سالفة ولا شكر ولا تعليق يطرونه

                            لصاحب الموضوع وكأنهم محاطين باربع جدران من يوم ولدتهم أمهاتهم أو أن أناملهم قد شلت وخرصت ألسنتهم

                            وقد يكونون مستغربين ومتعجبين لوضع هذا النثر في محل للصور والرحلات وأقول لهم أنت تريد وأنا

                            أريد والله يفعل مايريد

                            أخواني اللي شاركوني وعلقوا على كتابي


                            قد حللتم أهلا ووطئتم سهلا
                            التعديل الأخير تم بواسطة مسامر البرق; الساعة Mar-22-2010, 11:48 PM.

                            تعليق


                            • #15
                              أخي الحبيب عالي وفقك الله وأعلى قدرك

                              مريت من هنا فلم اجد عذرا من المشاركه فلك الشكر والتقدير على هذا الموضوع القيم

                              والحقيقه اني مو راعي كشتات وطلعات يا دووب من البيت للعمل والعكس يعني بيتوتي على قولتهم ولكن لو حصل لي رفيق(ن) شقردي شرواك ما اتردد في مخاواته

                              بيض الله وجهك وننتظر النشامى شرواك يتحفونا بصولاتهم وجولاتهم في البريه وخصوصا ما هو مدعم بالصور

                              تعليق

                              يعمل...
                              X