بسم الله الرحمن الرحيم
قبل مده طويله تقدمت بخطبة امراة ذات منصب وجمال وتمت الموافقه .وكانت تسكن مع اهلها في الرياض ..
وبعد وصولي للرياض للرؤية الشرعيه ولاتمام الملكه .
اتصل عليهم رجل اعمال معروف من بلقرن .
كان هذا الرجل من الد اعداء لوالدي .
وشوه صورتي امامهم وتم رفضي..



الله واكبر وش بقى في
يدينا.
غير القهر وعبور جسر
الندامه.
ياهل الهوى مماجرالي
شكينا.
كثر العنا محرمني
الابتسامه.
ياهاجري من فعلكم
مانسينا.
الله يسامح من ذبحني
غرامه.
بالصدق والاخلاص معكهم
مشينا.
من عز نفسه عاش فوق
الزعامه.
ياوحشتي ياصرختي
بالونينا.
صرخة يتيم صاح باول
فطامه.
على الذي من سبته
ماهتنينا.
اسهر وهوه مهتني في
منامه.
من شاطي المندب الى حدود
سينا.
ماشفت مثله بالوفا
والوسامه.
ان كان ماشربي من ايدي
اليمينا.
شربي على يدين غيري
ملامه.
زرت الرياض وفوق برجه
رقينا.
رسمت في وادي حنيفه
علامه.
واصبحت انا محروم مثل
الحزينا.
كني عليل جته حمى
تهامه.
مات الغرام ومات حب
بنينا.
ولابقى للود جد
وصرامه
مرحوم ياحب مع
الميتينا.
الله يجبر خاطري
بالسلامه.
حبي اندفن من فوقه اكوام
طينا.
جدرانه انهدت وطاحت
خيامه.
بعض الجروح الضيم منها
سنينا.
حتى الجمل لا طاح يضعف
سنامه.
صارت حكايتنا منى
الشامتينا.
والحزن جو الصدر مثبت
صمامه.
ادري غلط حتى ولو ما
رضينا.
الرزق بيد اللي عظيم
مقامه.
ابو غريب يقول يالله
تعينا.
وانك تقوينا على
الاستقامه.
والله يعوضنا بما صار
فينا.
يارب غفرانك بيوم
القيامه.