شفت رعبوبه رقت بين
الصفوف.
اشعلت في داخلي
نيرانها.
من لهب نيرانها قلبي
رجوف.
ويل حالي حولها
فرسانها.
ياحلاوة شعرها فوق
الكتوف .
واالبرد كنه لميع
اسنانها..
يالهف قلبي على ذيك
الهنوف.
ويا بري حالي على
فقدانها.
شفتها لكن لقلبي
ماتروف.
نفحة النسمه نشر
ريحانها.
ماتساعدني لشوفتها
الظروف.
ولا قدرت اوصل لصوب
اخوانها.
بالترف طاغين لاحد
السقوف.
والتعاسه تحتضني
الوانها.
تعبت الرجلين من طول
الوقوف.
وانقطع قلبي على
لقيانها.
ليتني القاها على وجه
الصدوف.
في الخلا تسرح مع
رعيانها.
واكتب ابياتي على ظهر
الكهوف .
والقصيده تنحفر
باوزانها.
واسمها ينحت برمز من
الحروف.
في الصخر يوضع على
حجرانها.
ليتها الدنيا تجيني
عالشفوف.
ليتني اسعد واجتني
رمانها.
الطفي بي وارحميني
يالهنوف.
مابقا للروح غير
اكفانها.
والوصيه تنحفظ فوق
الرفوف.
وانشروها واسرعوا
باعلانها.
لوتكون لي كان معطيها
ولوف .
بالحلال احضى بدفء
احضانها.
بوغريب انصاب واضنته
الحسوف.
روحه انعلت بحزن
الحانها.