تويت
بيت وصدى
يا مدعي بالكذب حكم ضميرك .. دمرت بالبهتان سمعة شريفين
يا مدعي بالكذب حكم ضميرك .. دمرت بالبهتان سمعة شريفين
إعداد / عادي الشمري
كتب بيت الأسبوع الماضي للصفحة الشاعر صالح محمد محارب البشري من الرياض، حول ظاهرة الادعاءات الكاذبة والكيدية، والتي تخدش السمعة ظلماً وبهتاناً فيقول:
يا مدعي بالكذب حكم ضميرك
دمرت بالبهتان سمعة شريفين
وكان صدى البيت:
ماقلتها لأجل استفزك واستثيرك
لكن حبيت اذكرك ياملا الزين
محمد الحربي
ذكرى لعلك تكف شرك وخيرك
الميل ما تصبر عليه البعارين
عبدالله السالمي
من قبل ماترحل وتلقى مصيرك
يوم الحساب ونصب الموازين
عبدالملك الحربي
الكذب شره مايغطيه خيرك
لاتظلم الاجواد في كذبك الشين
نايف محمد آل عيد / الرياض
انشهد انك تايهن في مسيرك
الكذب شين وصاحبه ناقص الدين
محمد عبد العزيز الخنيفر / أشيقر
حبل الكذب قصير وانت وضميرك
الظلم والبهتان دمر ملايين
خليف فهيد الحربي / الرياض
هرج هرجته يالدويني بغيرك
ثبت كلامك بالحجج والبراهين
عبد الله القديري / العطار
والله ماينفعك تدمير غيرك
أكيد يرجع لك من النار ضعفين
حمد محمد الحنو / عودة سدير
احفظ لسانك وخل عنك غيرك
ولاتطاوع نفوسن عن الحق غاوين
ريان محمد الخنيفر
هذا حقود ولا اعترض في مسيرك
دقه على خشمه ويفهم فهيمين
حمد عبدالله الوايلي / حوطة سدير
بيت الأسبوع / كتبه معد الزاوية
ماتزعزعنا الصواريخ يالحوثي
حيلة اللي قبل موته تفل سمه
تعليق