تويت
صور شاعرية
شفت الرسوم وشفت دارٍ خرايب
شفت الرسوم وشفت دارٍ خرايب
رقيت رجمٍ من طوال المراقيب
وشفت الرسوم وشفت دارٍ خرايب
ولجّت ضلوعي بالحشالجّة الذيب
لجّت ولا جت واْلتِجَت باللّزايب
وقلت السلام ومرحبا وألف ترحيب
تحيّة المشتاق ياصار غايب
وهلّت دموع العين مثل المرازيب
هلّت دموع العين من غير طايب
من شوفتي دارٍ ولوها الأجانيب
وذكرت رَبْعٍ تحت عجز النصايب
يادار عِلمي بك قبل يطلع الشيب
رحنا شباب وجيتك اليوم شايب
علمي بشوفك يوم كنا معازيب
واليوم صرنا ضيوف عندك غرايب
وين أهَلِك يادار حصن المطاليب
وين أهَلِك يادار حصن الطلايب
منقول ص / الرياض
تعليق