تويت
يا ديرتي أرض الحرم أطهر مكان
يا ديرتي أرض الحرم أطهر مكان
دارٍ بشرع الله وبالسنة تسود
كلي فخر يا ديرتي طول الزمان
مامثلها والله في كل الوجود
دار الرخا والخير تنبت زعفران
دار العطا تهدي رياحين وورود
ورفرفي يا رايتي أمن وأمان
في ظل أخو نوره وحامين الحدود
حكمٍ بشرع الله بحكمة واتزان
حامي بيوت الله وموفي بالعهود
والجار حامينه وضيفٍ مايهان
الله يجير ديارنا عين الحسود
سلام مني عد ماأبرق وبان
وسط السما براق أو ترعد رعود
لسيدي سلمان وعهودٍ تصان
لولي عهده كلنا درع وجنود
ياسيدي سلمان ياكف الحنان
يامسند المضيوم لاشاف الجحود
تعطي وتبذل والجهد شوف العيان
ماينكره معروفكم الا الحقود
جارك مجارٍ من مذلة أو هوان
يافزعةٍ للجار من شيٍ يكود
والمشكلة لاجته لو كانت سمان
حلال صعبات المشاكل والعقود
واذا تغير فكر غدارٍ وخان
كلٍ عن حياض الوطن عنها يذود
من عاهدك انبشره بأمن وضمان
ومن غدر يبشر بصكات الزنود
حازم ورادع كل خوان جبان
بعزيمة وإقدام والعالم شهود
لك رايةٍ تشهد وتكتب بالبنان
إنك إمام الحزم توفي بالوعود
وولي عهد الممكلة حزام الامان
مايدخر لجل الوطن أدنى جهود
شبيه جده لكن بفرق الزمان
صامد ومتفاني في دار الصمود
شامخ وفي التطوير شاف الوقت حان
يبني لأجيال الوطن سلم صعود
ونقدم آيات الشكر والامتنان
لجنودنا الشجعان في كل الحدود
لامن ظهر خوان آو الوقت شان
صاروا صقور المملكة درع وسدود
واذا اسفهلت وامطرت والوقت زان
سرنا نواصل للمعالي والصعود
وختامها صلوا كثر مالصبح بان
على النبي واعداد ركعات أو سجود
جهيرآل جرفين
تعليق