تويت
الأمير عبد الرحمن بن عبدالعزيز(فقيد الدار)
شعر: سعد بن سعود بن محمد آل سعود
ضاق صدر الليالي والدروب الوساع
ياللـه انـك تصبـّر كـل قــلـبٍ حــزيـن
الشـجاعـة تعــزّا في فـراق الشـجـاع
شيـخنا اللي فعـوله بالمـواقـف تبـيـن
والمـكـارم تعـزّا في كـريـم الـطـبـاع
ما يعوض فـقـيـد الدار طول السنـين
يرحـم اللـّه من صيـته بالامجـاد ذاع
سيـرته تاج عـزٍ فـوق راس وجبـين
مثل ما سبـق طيـبه سـابـقٍ بالـوداع
وان فـجـعـنا رحيـلـه.. كلـنا راحـليـن
يا بوتركي وذكـرك سـاكـنٍ كل قـاع
كلـنا فـيـك قـلب.. وكلـنا فـيـك عـيـن
يا بوتركي نحـبـك والغــلا ما يـباع
غـبت.. وشهود جودك بالوفا عايشين
تعليق