هذي القصيدة اخر ماكتبت وهي موجهه لشاعر قطر الكبير الشاعر والصديق سعيد بن محمد القرني
حبيت استفز هدوه بقصيدتي المتواضعة
------------
من نجد سار القاف خب ودراهيم


نص الجنوب اليمته منتهانا
ساقه برفق اللي يسوق المراديم


وملفاه في الدوحة حليف احلفانا


سعيد راعي الكاف والرا مع الميم


وانجاه مرسول النبا ماتوانا


يسبك من الدر المنقى مناظيم


ويطوع الشارد عيانن بيانا


جده لبوه القرن ابن غوث تعميم


من روس لازد اللي تجابه اعدانا


والجد لامه مقدم من مقاديم


ال مرة اللي مجدها ماخفانا


من قال ياتيك الردا خبل وبهيم


يقرب وصفك من سهيل بسمانا


داعيك من حب الخشوف الملاثيم


سوى العجب في نون عينه وعانا


يطرن وصل ن مال ساسه ملازيم


يبنن حلم وفيه خافي بلانا


ثنتين ماشيفت حقيقه وتنجيم


وصلن يقولنه وبيض السمانا


واسلم ولاذقت العنا واسود الظيم


ياشاعرن عنده وصل منتهانا
----
الشاعر والاعلامي غالب الذيابي العتيبي / الرياض

////////////////////////////////////////////////////////

هذا ردي على الشاعر والصديق الكبير غالب الذيابي العتيبي السعودية
---


قاف لفانا يسبق النود والغيم


كنه نزل بامر الولي من سمانا


نور سما حلك الليال المباهيم


ضوحه كما قمرا السبع والثمانا


شعشع سما الدوحة خلاف المعاتيم


وفزيت له بارحب هلا يوم جانا


من نجد ضيف ن سابق للمعازيم


والضيف قبل ادعيه قدره دعانا


مرسول قرم دون شكه وتوهيم


اسمه وتالي اسمه لعرفه كفانا


عتيبي ن من ماكر للصواريم


شقر الحرار اللي تصيد السمانا


من جل صيد والمنايا مقاسيم


فصيلها العقبان علم ن مثانا


روقي ومن طلحة ذيابي ملازيم


ربع المحيا من قديم الزمانا


تركي ليا صاحو رعاة المجاهيم


يامير قفو بالحلال احددانا


وصفر ومغاتير تسن المفاطيم


وزهيمهم باالله وتركي رجانا


في الموقف الغصاب مامن مزاهيم


خيل المحيا طبع ماتنتدانا


قد قال ابن هدلان ماقال ومقيم


قوله دليل للعقول الذهانا


ذا فعلكم وارجع ل سين مع جيم


تشكي هوى الخفرات جعلك معانا


اللي ثنن قلبك كما ثنية السيم


نجل العيون المترفات الحسانا


قلبك خذاه الريم مع هجة الريم


برضاك ياغالب وتشكي علانا


اطو الرشا واصبر كما تصبر الهيم


كم مارد دونه قصرنا خطانا


لاصار مايصدق علي الملازيم


لا جنبه ما يستحق الغلانا


وعلمك يسدك ماتبي زود تعليم


ياغالب اسلم والحرص لاتوانا
---
الشاعر سعيد بن محمد القرني قطر