إعـــــــلان

**((ابونواف))** · Sep-04-2007, 10:57 PM

[frame="2 80"][align=center]يالله .. يالله .. فزعتك ياكريم ويا ودودياغفور(ن) عند وقـع البـلا يُستغفـرا

إلتفتنـا للمحافـظ وعديـنـا النـقـودما بقي من رؤس الأموال شيئـاً يذكـرا

شعب عبدالله إبن عبد العزيز إبن سعودإنخرط في سوق الاسهم وهذ اللي جرى

الذي من ساحل البحر الاحمر والنفـودالبدو والحضر وأهل المدن وأهل القرى

كلهم في السوق والحال ينقص مايـزوديوم واحد فيه يخضّر واسبـوع أحمـرا

كل ماقلنا لعّلّ المؤشـر فـي صعـودنفتح الشاشات واليـاه جـايّ مدحـدرا

ماجمعنا في سنه راح في خف القعـوديالله .. إنك تنصر الغافل اللي مـا درى

كل تاجر يعلـم إنـا نسددهـا قصـودوالبيوت نبيعها واكثر النـاس افقـرى

المساهم صار ماعاد له عزم وصمـودضاع رأس المال والشمل راح مبعثـرا

ماكسب من سوق الاسهم ولا عوّد بفودغير بالوسواس والضغط هو والسكـرا

الكبير من الهوامير أخذ مافي الوجـودوالبقيه كلهم ضامـي (ن) يتبـع ثـرى

ماحصل من هيئة السوق تطبيق البنـودغير توقيف المضارب ونسبـة للـورا

جعل يوم (ن) جافيه التويجري مايعـودالدراهم روحت والبرى منهـا البـرى

غطرفي يا بنت وإلا إلطمي حمر الخدودماربح سهم المكيرش ومن فيه إ شترى

والقياديـات صـارت تقـاد ولا تقـودأغلب الأيام تهبـط والسـوق اخضـرا

مادخل في سوقنا لا مجوس ولا يهـودغيرهامور(ن) صغير(ن) وهامور اكبرا

..منقول [/align][/frame]

**((ابونواف))** · Sep-04-2007, 10:59 PM

[frame="3 80"][align=center]قصيده مؤثره للشاعـر /محمـد الرحيمـي .

لا ياضحايا سوق الأسهم حضروا عند الملـك
انخوا الملك نخوة صويب المعركه تالي النهار
قولوا يابو متعب ترى ثلثين من شعبـك هلـك
بعد انهيار السوق من هرينا شـد الأنهيـار
رحنا سمك في بحر لو مافيه بحـر ولا سمـك
وارزاقنا ميعـاد بحلـوق التماسيـح الكبـار
نبي نصيـد وفالنهايـه كلنـا صيـد الشبـك
هذا الدمار الشامل اللي مايقـارن بـه دمـار
رحنا وطي رحنا طعام جحـوش مـالا نمتلـك
بلوى مصيبه كارثه تؤخذ في بعين الأعتبـار
احد وقف واحد برك مثـل البعيـر اليـا بـرك
واحد فرك واحد يسحب فروته حول المطـار
واللي ضحك تراه يضحك لاشعوري لو ضحـك
تلقاه بعد ايام يكتـب بالقلـم فـوق الجـدار
معاد ندري وش حصـل لكـن شـر مشتـرك
ايحول اليسرى يمين ويحول اليمنـى يسـار
واللون الأحمر نكرهه كره قـوي مافيـه شـك
يصيبنا هستيريا واحبـاط لا شفنـا الحمـر
ندور اللون الخضر حتى على جنـوب التنـك
نجمع الجرجير والكراث من سوق الخضـار
حتى ليا شفنا الطماط نحس بشي من الضنـك
يازين لون الفلفل الأخضر ويازيـن الخيـار
وان كان ما انحلت قضيتنـا بعـد هالمعتـرك
ميتين في الميـه دعاوينـا انهيـار بإنهيـار
انخو ولي العهد سلطان السعد عضد الملـك
يفتح لنا فرعين في البطحا لمستشفـى شهـار

مـــــــنـــــــقـــــــول [/align][/frame]

**((ابونواف))** · Sep-04-2007, 11:31 PM

[frame="5 80"][align=center] ألف : أولف وأول السوق نسبه ** نسبة تحت ما عـاد تحتـاج حسبـة
سوق ضربنا فوق عشرين ضربة ** والصبر زين إلا بسهـم المواشـي

والبـاء : بدينـا وأشتريناوبعنـا ** وياليتـنـا فيـمـا كسبناقنعـنـا
طرنا وتعلينا ولكـن وقعنـا ** والصبـر زيـن إلا بسهـم المواشـي

والتاء : توقعنا تزيدالمكاسـب ** وقلنـا نبـي نشـرب لذيذالمشـارب
لكن ورطنا بين عارض وطالب ** والصبر زيـن إلا بسهـم المواشـي

والثاء : ثبت عندي بعلم يقيني ** اني خسـرت وراح مـا فـي يمينـي
الله على تسديد ديني يعينـي ** والصبـر زيـن إلا بسهـم المواشـي

والجيم : جمعنـا سهـوم كثيـرة ** ولا درينـا أن الدعـاوي خطيـرة
حتى خسرنا والخسارة كبيرة ** والصبـر زيـن إلا بسهـم المواشـي

والحاء : حسافة يا جماعةفلوسي ** حطيتها بأسهم وكسّـرت قوسـي
صحيح هالدنيا عطتنا الدروسي ** والصبر زيـن إلا بسهـم المواشـي

والخاء : خلاص اقول توبه ولاأعود ** لو كنت بالمكسب موصىوموعود
وهذا قرار ما علي فيه منقود ** والصبـر زيـن إلا بسهـم المواشـي

والدال : دجينا بسهم المواشي ** نشريـه غالـي ثـم نبيعـه بلاشـي
هذا جزاة اللي شرا بالخشاشي ** والصبـر زيـن إلا بسهـم المواشـي

والذال : ذاك اللـي تسبـب علينـا ** ويـلاه لـو انـه يطيـح بيدينـا
من دون ذبحه كلنا ما رضينا ** والصبـر زيـن إلا بسهـم المواشـي

والراء : رمينا رمية دون رامـي ** وصابـت وقلنـا حرفنةياسلامـي
السوق طيب لين جانا الصرامي ** والصبر زيـن إلا بسهـم المواشـي

والزاي : زدنا يوم شفناالمرابـح ** وقمنـا مـع العالـم نزيدالمطابـح
ويمكن على بعض السهوم انتذابح ** والصبر زين إلا بسهـم المواشـي

والسين : سوينا بها فاهميني ** نشري نقـول السـوق بكـره يزينـي
نبغى المكاسب وأثرنا خاسريني ** والصبر زيـن إلا بسهـم المواشـي

والشين : شاري يومه السوق غالي ** ما همني لـو زاد فيـه اريالـي
لا والله الا راح باقي حلالـي ** والصبـر زيـن إلا بسهـم المواشـي

والصاد : صدق اللي سهمامنول ** حول ميه وسبعيـن واليـوم حـول
ينزل الى ستين شـي يهـول ** والصبـر زيـن إلا بسهـم المواشـي

والضاد : ضاربنا بسهم الفنادق ** لكـن رمونـا مثـل رمـي البنـادق
حتى زبنا بالحفـر والخنـادق ** والصبـر زيـن إلا بسهـم المواشـي

والطاء : طمرنا طمرة دون داعي ** نبغى النسب بالباحه أوبالجماعـي
واليوم يكفينا حليب المراعـي ** والصبـر زيـن إلا بسهـم المواشـي

والظاء : ظلمني من نصحني بتعمير ** ويقول لي هذا السهم مكسبه غير
وانا مطبح فيه من دون تفكير ** والصبـر زيـن إلا بسهـم المواشـي

والعين : عيوا يرفعون المؤشر ** يمكن سياسـة سـوق لازم يخسـر
كم واحد من ذا المؤشر مدمر ** والصبـر زيـن إلا بسهـم المواشـي

والغين : غيّر يالمحافظ وبـدل ** موضوعنـا حلـه وبالسـوق عـدل
نظامكم ما هو كتـاب منـزل ** والصبـر زيـن إلا بسهـم المواشـي

والفاء : فتيحي مشترينه بطمعه ** لكن جانـا منـه عشريـن قمعـه
ما اظن يستاهل حسابه وجمعه ** والصبر زيـن إلا بسهـم المواشـي

والقاف : قالوا بكره السوق يرتد ** والوضع اشوفه كـل يـوم يتعقـد
مقرود يامن طاع شور المقرد ** والصبـر زيـن إلا بسهـم المواشـي

والكاف : كافـي يـا وزيرالتجـارة ** خمسيـن بالميـه عليناخسـاره
ان كان تفهم في فنون الاداره ** والصبـر زيـن إلا بسهـم المواشـي

واللام : لبنى يوم أغارت بلاخيل ** خذت بسطوتهـا سهـوم الرجاجيـل
وخلت مدامعهم تبل المناديـل ** والصبـر زيـن إلا بسهـم المواشـي

والميم : ما تنفع سهوم العوايد ** خسرانـة ومـا عـاد فيهـا فوايـد
الفايده بالكاش لا صار زايـد ** والصبـر زيـن إلا بسهـم المواشـي

والنون : نادوا من يعرف السلومي ** وقولوا توجه يم شيـخ القرومـي
يحلها لا صار وقت اللزومـي ** والصبـر زيـن إلا بسهـم المواشـي

والهاء : هروج كل يـوم تعـادي ** كـل يسـوي فاهـم ٍواقتصـادي
ياطيبكم عند العشاء والمنادي ** والصبـر زيـن إلا بسهـم المواشـي

والواو : وهقنا المسمى ابراهيم ** يقول انـا بقلـب جميـع المفاهيـم
ياعزتيله علقـوه الشغاميـم ** والصبـر زيـن إلا بسهـم المواشـي

والياء : ياربي طالبك ترحم الناس ** وان تنتقم يارب من فعل الأنجـاس
ولا باس ياللي صابه الهم لا باس ** والصبر زين إلا بسهم المواشي !!!

(منقووووول لشرح الصدر )[/align][/frame]

إعـــــــلان

احدى قصائدالأسهم

احدى قصائدالأسهم

تعليق

تعليق

تعليق