/
/
/
ـــــــــــــــــــــ
صحيح الليل ليلي/ طال ليله /والظلام ازداد
..................نثرت الدمع في وجه الظلام/ ولا استفاق الصبح
عجزت اضبط عقارب ساعتي/ في لحظة الميعاد
.................وعجزت القي لكفي في صميم (ام المعارك ) رمح
اقود بمفردي احلام/ والاحلام ماتنقاد
............................. تــفك قيادها/ واشوفها بالغيم/ تجمح جمح
يذيرها الهوا العالي / ويرجاها شجر وعباد
.................... ولايقدر يروضها سوى الصبر بــ..عروق الطلح
يجافيني الزمان / ويستلذ بسرقة الاعياد
.............................. ..ولاهي كل زله يازماني/ تستحق الدمح
مسافر/ والرحيل اللي تغشاني وطن وبلاد
...........................خيو له في عيوني/ لابغيت النوم ترمح رمح
وقفت على اليباس الجرد/ يوم ان السنين شداد
..........................ومن دمعي/ تزاحم في زواياها / سنابل قمح
نهضت استجمع عزوم العمر /وافكك الاصفاد
........................ولمحت الموت ياشر لي بيديه /ولاقويت اللمح
انا الطفل الغريب / اللي مشى في موكب الرواد
........................ نسي في قريته مرسم /ودراجه /ووجه ً سمح
وانا الوجه الشحوب/ الممتلي هم وألم وسهاد
............................. حداه القيظ/ لين انه تظلل في سحابة ملح
امانه دون اسمي ياوطن/ في سيرة الأولاد
...........................وام ـــانه لوني صبرك بدمعي / ياعروق الطلح
/
/
/
ـــــــــــــــــــــ
تعليق