• تم تحويل المنتديات للتصفح فقط

إعـــــــلان

تقليص
لا يوجد إعلان حتى الآن.

لولو ماركت

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لولو ماركت

    .


    البارحه جيت لولو ماركت عصرا
    شفت الفواكه بذاك السوق مجتمعه

    وانا في السوق كني صالي الجمرا
    اخذ لزومي بسرعه واطلع بسرعه

    لكن بعض اللـوازم صعبه وقشرا
    باب الصبر عندها لا بد من قرعه

    اعجبني الخوخ والرمان وكمثرى
    من وارد الشام زين وزاهي اللمعه

    بعض الفواكه حلاه يهيّض الصدرا
    شرع الحلا يجبرك تمشي على شرعه

    قمت انشد الناس ما لهل البلد مذرا
    مستورد السوق ما يجلب لنا النفعه

    قالوا لي اجود نتاج اهل البلد تمرا
    في السوق غالي ثمنه وطيّب السمعه

    شف حلوة الجوف زادت ع الحلا قدرا
    عن سومة الرخص محتشمه وممتنعه

    والسكري في القصيم وحبته شقرا
    نوعيه اسعارها في السوق مرتفعه

    واللي ربا في المدينه واللي بهجرا
    نخله غني العذوق ومستوي طلعه

    قلت الروابي .. وقيل المملكه خضرا
    ان كان لك في غروس اهل البلد طمعه

    غرس ٍ يشيد القلوب وجرحها يبرى
    وان صد زاد القلوب الموجعه وجعه

    في روضها ورد نرجــس يشبه البـدرا
    سبحان من يبدع التصوير في صنعه

    والناس ما تستوي في البيع والمشرى
    لولا اختلاف الذوايق بارت السلعه

    اسهبت والعين تنشــد من لها يقرا
    الشهد وينـه يبـــاع ووينهم ربعه

    قالو لي الشهد غالي جوده وسعرا
    لكن بتلقى صنوف ..انعدها سنعه

    قلت العفو ما شريت الا عسل سدرا
    محشوم من علة التدليس والخدعه

    عسل مصفى جنوبي من عسل مجرى
    طب الكبود العليله نسله وشمعه

    وانا اعشق الشهد من ثربان لا الخضرا
    واعشقه من ترج لا بركوك لا الفرعه





    ..

  • #2
    حياك الله يا اخ عبدالله وحيا الله ما اتيت به

    جميل ما اتيت به صح لسانك ولا فض فوك

    اشكر لك جميل تواجدك وجمال شعرك واسقاطاتك الرائعة لا عدمناك

    تقبل مروري وودي وبيض الله وجهك

    تعليق


    • #3
      المشاركة الأصلية بواسطة عبد الله بن ظافر مشاهدة المشاركة
      حياك الله يا اخ عبدالله وحيا الله ما اتيت به

      جميل ما اتيت به صح لسانك ولا فض فوك

      اشكر لك جميل تواجدك وجمال شعرك واسقاطاتك الرائعة لا عدمناك

      تقبل مروري وودي وبيض الله وجهك

      ابقاك الله يابوظافر وصح بدنك ولاعدمت حضورك الراقي

      شكرا على مرورك واطراؤك الكريم

      احترامي وتقديري لكـ





      ..

      تعليق


      • #4
        صح لسااانك أستاذ عبدالله

        تحيتي لكـ ...


        تعليق


        • #5
          صح لسانك شاعرنا العزيز
          قصيده في غاية الروعه والجمال
          ابيض وجه
          وتقبل تحياتي

          تعليق


          • #6
            صح بدنك ووجهك ابيض استاذي عبدالرحمن

            وشكرا على مرورك واطراؤك الكريم

            لا خلا ولا عدم





            .

            .

            تعليق


            • #7
              أين أنا عن هذا النص الفريد الجميل ؟!
              تصوير وتغليف رائع
              ولا معنا إلا التمر والعسل التي من حلاوتها نصاب بالسكر .
              صح لسانك ولا هنت
              شيلة بلقرن داري
              https://www.youtube.com/watch?v=w4pWLrdavAs

              انستقرام وسناب وتويتر
              s_00222

              تعليق


              • #8
                السكر واحيانا الضغط ههههه

                صح بدنك اخوي سعد ولا هنت على مرورك العطر

                احترامي لكـ




                ..

                تعليق


                • #9
                  كفو يا عبــــــــــــــــــــــــــــ دالله الشغيبي


                  ما شاء الله عليك هنا وهناك مواصل في


                  الابداع إلى الأمــــــــــــــــــــــــــ ام

                  تعليق


                  • #10
                    كفوك الطيب يا ابو زكريا

                    ولا هنت يالغالي واشكرك على مرورك الكريم

                    لا خلا ولا عدم




                    .

                    .

                    تعليق

                    يعمل...
                    X